Mateo 5:37 - Nuevo Testamento Toba Sur

³⁷ Chaqdata da 'oonolec ca qadasataxaqui. Qoñiita': aja' huo'otaq 'a'i. Cha'ayi ca chochi qaÿachigoxotauec n'aqtac, camayi chigoqo'ot so shiÿaxaua lma'na.

Nuevo Testamento Toba Sombrero Negro

³⁷ Qalaĝaja 'noota qom nach'edata da'me a'uachiyi: “Jaja'a” uotaĝa “Aja'y.” Qa'a gamachaqaega ga'me at'aqataqui jo'ne anoqochichiñegue da'me dojo' chiyaqayi ñe'me payac jo'ne ja no'en.

La'aqtaqa Ñim Lo'onatac 'Enauacna 2013

³⁷ Nachaqrata da 'oonolec ca qarasataxaqui. Qoñiita': aja' huo'otaq saishet. Cha'aye ca choche qaỹachegoxotauec na'aqtac, camaye chegoqo'ot so pa'aguenataxanaxaic.

Mateo 5:37 Referans Kwoze

Santiago 5:12

Qami' ÿaqaÿadolqa, da ÿoqta napactelec na 'enauac 'eeta': Sa ishito' qome da 'auÿaxaatega da chigoqo'ot na piguem ca 'anhuaxanaguec, huo'otaq chigaqlec na 'alhua, huo'otaq camachaqcague't lÿa, qom huo'otaq sa 'aupaguelec ca 'ad'aqtac. Chaqdata da 'oonolec ca 'ad'aqtac 'anqa'en da 'auasat. Qoneta': Aja'. Qaq da sa 'aushit, qaq qoneta': 'A'i. Qaq da qonetec de'eda, nachi ñi Dios sa ishit da ÿauo'o ca 'adasouaxashit.

Colosenses 4:6

Naua qadtaxaÿaxacolli' ÿataqta qaÿaÿamaxadeete' qome qataq ÿataqta qanqopitalo. Ñi 'oonolec da detaxaÿapegue' ca lÿa, qalaq ÿaÿaten da ÿaÿamaxatchiguiñi ca lataxac.

Colosenses 3:9

Qataq sa ishit da huo'o ca ÿatenachit ca lÿa, cha'ayi qami' mashi sogote da qaualachi da toguishic qadataxaqui qataq 'enauac nam lataxacpi mayi qau'ochiitac co'olloxochiyi.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Efesios 4:25

Qaq ÿoqo'oyi sa ishit nagui da qanasaqaiuec ca natenataxanaxac. Ñi 'oonolec da qoñiita ÿataqta 'eesa ca l'aqtac da detaxaÿapegue' ca lÿa, cha'ayi 'enauac da shinaqta ñi'adaqtau'a da 'oonolec n'oquiaxac.

2 Ts 3:3

Qalaxayi so qadataxala' mayi sa ÿatenachit ca l'aqtac qami' itauanque da qami' 'añaxaiqa, qataq qami' ntelaqna'agueta na sa ÿaÿamaxañisat.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Mateo 13:38

Qaq som nanaxanqa', qalaq nachana anam souaqtalec 'alhua. Qaq aso nanguishi mayi ÿataqta no'on, qalaq nachina nam shiÿaxauapi mayi huetaigui da l'onataxanaxac ñi Dios. Qaq aso huoue mayi 'eeta'am na trigo, qalaq nachina nam quetague' so shiÿaxaua lma'na.

1 Juan 5:18

Cha'ayi saÿajnaq da ca 'eeta'am naq'en da ÿataqta lta'a ñi Dios, camayi sa ishit da huo'o ca i'ot lasouaxashit. Cha'ayi so llalec ñi Dios ntela'a camayi, qaq som shiÿaxaua lma'na sa ishit da huo'o ca 'en'ac.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Juan 2:13

Qataq qami' ÿi'axaiquipi, qami' samaxalo ana ÿide, cha'ayi mashi ÿataqta qauauattoñiita som nal'ena da huo'o co'ollaq ñaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi mashi qodoxonqui so shiÿaxaua lma'na. Qataq qami' ÿalqolqa, qami' samaxalo ana ÿide, cha'ayi mashi qauauattoñiita ñi qadta'a.

1 Juan 3:12

Qaq sa ishit qome da shinaqta'am so Caín mayi quetague' som shiÿaxaua mayi lma'na, nachi ÿalauat co'ollaxa so lalamaxat lqaÿa. Qaq ¿chaq tá'ainco' yi ÿalauat? Qomyi da i'ottac so Caín sa ÿaÿamaxañi, qaq som lqaÿa qalaq ÿataqta ÿaÿamaqchiguiñi da i'ottac.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Mateo 15:19

Cha'ayi añi lquiyaqte, nachañi añi chigaqanguit nam qauem nhuennataxacpi mayi 'eeta': Qaÿalauat ca nÿa, nauatapiguiñi' aca sa nhua, quishishaxac, ncachaxac, natenataxanaxac, qataq nshiunaxanaxac.

Mateo 5:36

Nataq'en sa ishit da 'auÿaxaatega ca nhuaxanaguec na 'adqaic da huo'otaq 'ai'an ca 'ad'aqtac, cha'ayi sa ishit da huo'otaq maichi ÿapagaq 'anqa'en ca 'oonolec na 'adaue, huo'otaq da naue'.

Efesios 6:16

Qaq da ime 'enauac ne'enapi, nachi da qadpi'iÿaxaqui 'eeta'am qanqashiñi aca qadpaqtaxanaqchi, da yaqto' ishit da qaualamachi 'enauac anam 'ettaigui lchicnapi som shiÿaxaua lma'na.