Mateo 5:30 - Nuevo Testamento Toba Sur

³⁰ Qataq na 'oiguishic 'adhuaq, da 'am ÿanataxajñi, nachi no'on da 'auquesoxouec, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Nuevo Testamento Toba Sombrero Negro

³⁰ Nataq'aen qom na'me adouaq auayaten am yauegoue da'me aua'uo adoec, qama'le 'noota qom auachaĝaye nataq'aen aueguem; adiyamaqachiñe da'me onolec ga'me qaya da'me at'oyaĝac, qama'le ja yema da'me at'oyaĝac qoyamaĝa di'me payac 'lachaqa'.

La'aqtaqa Ñim Lo'onatac 'Enauacna 2013

³⁰ Qataq cam ỹo'ot na 'oiguishec 'arhuaq da 'am ỹaueeguet da sa 'aualaq, nache no'on da 'auquesoxouec, nache qaỹoqteueegue 'anqa'en da 'auasaxauec. Cha'aye ỹaỹamaqchiguiñi da huo'o ca deqat naua 'ogoxoshe'ete, qalaxaye saishet da ỹaỹamaxañi da imauec da 'aro'ocỹaxac da qaỹasaxaña ca nhuaxanaqa' na 'etaxaloxoicpi.

Mateo 5:30 Referans Kwoze

Marcos 9:43

Na maichi 'adhuaq da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonolec na 'adhuaq, qalaxayi saq 'en'am da nalota't naua 'adhuaxayi, qaq 'am qaÿasaxaña ca nhuaxanqa' na 'itaxaloxoicpi mayi huaña ca nodec mayi sa ishit da qaÿalamat,

Mateo 5:29

Qaq ÿoqo'oyi ana 'oiguishi 'ad'aite, da huo'otaq huo'o naq'en ca 'adasouaxashit, qaq no'on da 'anqat, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

1 Pedro 2:8

Qataq nataq'en yi lÿa nanettañi l'aqtac ñi Dios 'eeta': Se'eso coma' ishit da qaiqui'aqaisop, qataq qaisallilec. Qaq namayipi qui'aqañi souaxat da sa ishit da i'amaqten de'eda n'aqtaxanaxac. Qaq ñi Dios nataq'en nachi 'en'ac naq'en namayipi.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Lucas 17:2

Camayi no'on qome da qaicoñida'ac na lqosot ca coma' lta'adaic, ime, qaq qaÿasaxauga aca auaxai, cha'ayi sa ÿaÿamaxañi da huo'o naq'en ca lasouaxashit ca 'oonolec ne'ena saq 'amaqtaqpiolec.

Mateo 13:21

Qalaxayi souaxat da qaica ca lpa'a'ÿaxac da n'aqtac, nachi sa ishit da 'eetai'. Cha'ayi da huo'o da ñi'iguenataguec, huo'otaq da ncanaguec souaxat da n'aqtac, nachi qoshiuec.

Lucas 12:5

Qalaxayi qami' sa'axatema cam ÿoqta ishit da qayi'iÿai, 'eeta': qayi'iÿai qome ñi Dios mayi huo'o naq 'enec da ÿamaxaña ca nhuaxanqa' na 'itaxaloxoicpi ca shiÿaxaua qom imat da nqat da nachaalataxac. Qaq 'iñi qome mayi qañi'iÿai.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

Romanos 9:33

som i'axat naua ñiyigui'shi l'aqtaqa ñi Dios, mayi 'eeta': Aÿim sanangui qome na laiñi yi Sión cam 'en'am ca coma' mayi ishit da qaiqui'aqaisop, cam coma' mayi ishit da 'ico' nsalviaxala', qaq cam i'amaqten camayi, qaq sa ishit da n'aloxootac.

Mateo 26:31

Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Mateo 22:13

Nachi so nta'a 'enapega nam ilotague'pi so nqui'axala', 'eeta': “Ñi'iñi shiÿaxaua qaucoñiyiÿa't qome naua lchil qataq naua lhua'q. Ime, nachi qauasaqaiuga na napalaxa da pa'auec, yim huaña qome da noÿiitac qataq ÿataqta inaga't naua lhue da nqui'ic.”

Mateo 25:20

Nachi l'auaxanec da anac som ÿaconguet co'ollaxa aso cinco mil, nachi ÿanot so n'aco' aso laÿi cinco mil. Nachi 'enapega, 'eeta': “'Am ñi'aco', aÿim co'ollaxa aÿim 'ai'anem aso cinco mil. Qaq nagui 'ana ana laÿi cinco mil mayi ÿaueque.”

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Mateo 17:27

Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.

Mateo 18:8

Qaq ÿoqo'oyi na 'adhuaq huo'otaq na 'adchi da ÿauo'o ca 'adasouaxashit, qaq no'on da 'auchigueec, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, nai'ctaxa da 'oonolec na 'adhuaq qataq na 'adchi, qalaxayi saq 'en'am da 'am qaÿasaxangui ca nodec da 'adÿaueeguelo naua 'adhua'q qataq naua 'adchil.