Mateo 5:22 - Nuevo Testamento Toba Sur

²² Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Nuevo Testamento Toba Sombrero Negro

²² Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

La'aqtaqa Ñim Lo'onatac 'Enauacna 2013

²² Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Mateo 5:22 Referans Kwoze

1 Juan 2:9

Qaq da huo'o ca 'eetega da nachattaigui na yi'oqchiguiñi, qalaxayi nquiÿatega ca lqaÿa, nachi camayi ñaq huetaigui na napalaxa.

Santiago 3:6

Qaq ñi qadachaxat 'eeta'am ca nodec. Ñimayi imattalec 'enauac na qauemsat. Nachattaigui da qad'oquiaxac, qataq ishipaxanaqchittac. Ñimayi nachi 'eetai' da ÿavigaxattaigui da qanachaalataxac. Qaq de'eda l'edaxa ÿachigoxottapegueu'a ca nodec mayi saqca ca loga't.

Tito 3:2

Sa ishit da quetapeguelec ca lÿa. Chaqdata da huo'o da lhualaxavic qataq da lsoxoyic. Qataq huosotta da lataxac da huetapegue' ca camachaqca shiÿaxaua.

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Mateo 18:35

Nachi so Jesús 'enapeco': –Qaq 'eda qome da 'eetec naq'en da qoñiita ñi ita'a mayi neta'ague da piguem, da huo'otaq ñi 'oonolec sa ishit da ÿoqta lquiyaqteÿaxac da ichoxoden ca lqaÿa.

1 Pedro 3:9

Qataq sa ishit da qavi'iguelaxachiÿa'aguet ca sa ÿaÿamaxañi, qataq ca qanshiunaguiiqui. Chaqdata da qai'añiim ca no'on ca shiÿaxaua, cha'ayi ñi Dios qami' iÿaxanalo, da yaqto' qauacoñiiguet da lqouagaxanaqtaic.

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

1 Pedro 2:23

Qataq co'ollaq qaishiueetac, qalaq sa ishit da ÿi'iguelaxata'aguet da nshiunaguec, qataq co'ollaq qaÿauo'o da nque'ejnaxac, qalaq sa ishit da dadenaxaatac. Chaqdata da ipa'axano'ot ñi Dios mayi sa ishit da depe'enaxan da nmit ca nasouaxashit.

Mateo 18:21

Nachi so Pedro inat so Jesús, 'eeta': –'Am ÿataxala', ¿chaxan lcate' da shi'iguelaxalec da sechoxoden ca i'amqajnataxanaxaua da huo'otaq huo'o ca aÿim i'otec sa ÿaÿamaxañi, peta'a siete da shi'iguelaxalec da sechoxoden?

Judas 1:9

Qamaq so lataxala' na namaxashic piguem l'ecpi, l'enaxat Miguel, co'ollaq deloctague' so shiÿaxaua lma'na, qaq co'ollaq ncotatague' somayi, souaxat so l'oquiaxac so Moisés. Qalaq sa ishit da huo'otaq iuaxanque naua l'aqtaqa. Chaqdata da 'eeta': “Ñi qadataxala' Dios 'am nlaxa qome.”

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.

Hechos 17:18

Qaq huo'o nam shiÿaxauapi mayi napaxagueetega da lapaxaguenataxanaxac nam l'enaxat epicúreos, qataq nam napaxagueetega da lapaxaguenataxanaxac nam l'enaxat estoicos, nachi namayipi n'aqtaxaatague' somayi. Nachi namayipi huo'o na 'eeta': –¿Négue't da qomi' i'axattapeguema dam da' shiÿaxaua? yi ÿapacteec da ltaxaÿaxac. Qataq huo'o na 'eeta': –Damayi 'eeta'am da i'axattapeguec cam lÿa nnatac. Qaq qoÿiitec de'eda, cha'ayi so Pablo i'axattac dam no'on qad'axaÿaxac mayi n'aqtaguec so Jesús qataq da 'eetec da qaltaq nca'aleec ca shiÿaxaua.

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

Marcos 14:55

Nachi nam lataxala'pi na ntaxaÿaxanaxanecpi qataq 'enauac na nta'alpi mayi loicnata na lataxaguesat, namayipi nmittaique ca lataxac ca ÿachigoxotchigui da yaqto' ÿanguet ca nalaataguec so Jesús. Qalaxayi sa ishit da qaÿanata.

Mateo 26:59

Nachi nam lataxala'pi na ntaxaÿaxanaxanecpi qataq so nquedoxonecpi qataq 'enauac nam nta'alpi mayi loicnatac na lataxacpi, namayipi nmittaique ca lataxac da huo'o ca chochi qaÿasaxalec lasouaxashit qanqoÿin so Jesús, nai'ctaxa da saq 'en, da yaqto' qaÿalauat.

Juan 11:47

Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco': –¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega.

Apocalipsis 20:14

Ime, nachi so nleuaxa qataq som laponqa' na leuaxaicpi, soomayi qaÿasaxayingui so lta'adaic nodec. Qaq se'eso lta'adaic nodec, somayi nachiso so ÿaqa'aguet nleuaxa.

Hechos 7:37

Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”

Lucas 12:5

Qalaxayi qami' sa'axatema cam ÿoqta ishit da qayi'iÿai, 'eeta': qayi'iÿai qome ñi Dios mayi huo'o naq 'enec da ÿamaxaña ca nhuaxanqa' na 'itaxaloxoicpi ca shiÿaxaua qom imat da nqat da nachaalataxac. Qaq 'iñi qome mayi qañi'iÿai.

Mateo 5:44

Qalaxayi qami' shinapegalo da ÿataqta qauauochiic ca qami' ipa'agueeta'pe, qataq qauasaqailec ca no'on ca qami' ishiueeta'pe, qataq qau'ochiic ca ÿaÿamaqchiguiñi cam qami' nquiÿategalo, qataq qanatamñiitalec cam qami' ishiueeta'pe, qataq cam qami' sa iyacna'pe.

Mateo 5:34

Qalaxayi aÿim qami' shinapegalo da sa ishit da chochi 'ai'an ca 'ad'aqtac. Sa ishit da 'auÿaxaatega na piguem da chigoqo'ot ca 'anhuaxanaguec da 'ai'an ca 'ad'aqtac, cha'ayi nachina na nso'ootalec ñi Dios;

Mateo 3:17

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

1 Juan 5:16

Qaq da huo'otaq huo'o ca ÿauaachigui ca l'amqajnataxanaxaua da huo'o ca isoma'aguet lasouaxashit, da huo'otaq sa ishit da taÿa'a naq'en da nleuaxa, qaq no'on da nqouagaxaueelec camayi. Nachi ñi Dios ÿami' camayi da lca'alaxa, da huo'otaq que'eca lasouaxashit sa ishit da taÿa'a naq'en da nleuaxa. Cha'ayi huo'o ca nasouaxashit mayi taÿa'a naq'en da nleuaxa ca shiÿaxaua. Qaq sa ishit da shiitega da qanqouagaxaueelec que'eca nasouaxashit.

Santiago 2:20

Qaq 'am ÿoqta da qaica ca 'auaÿajnapec, cha'ayi sa ishit da 'au'amaqten da ca shiÿaxaua da saqca ca ÿaÿamaqchiguiñi l'onataxanaxac, nachi 'ico' leuaxaic da lpi'iÿaxac.

Hebreos 12:25

Qaq ÿoqo'oyi maxatchaxa qome da qoñiita, sa ishit da huo'o ca sa ÿoqocha'a ñi Dios mayi qomi' detaqtacoto. Cha'ayi ÿataqta sa ishit da huo'o co'ollaxa ca qoÿit som sa ishit da hua'axaÿa ñi Dios co'ollaq huaqattega somayipi ana 'alhua, qaq ¿huá'aguectoxo' da ishit da qomi' qoÿi't da huo'otaq sa ñi'axaÿaxanaxa da lavilÿaxac ñim neto'ot na piguem da qomi' huaqattegalo?

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

1 Corintios 6:6

Da huo'o ca 'amqajnataxanaxaic huo'otaq nasouaxata'ai' ca l'amqajnataxanaxaua, qaq ¿iuen peta'a da iÿaxanot ca nta'a mayi sa da'amqajnataxan da ÿaÿamaxajñi?

Hechos 5:27

Qaq co'ollaq nvidaxatreuo soomayi, nachi nachaalataxanguilo na laiñi som nta'alpi mayi loicnatac na lataxaguesat. Nachi som lta'a na ntaxaÿaxanaxanecpi 'enapegalo soomayi, 'eeta':

Juan 15:25

Qalaxayi damayi nachi lliquiaxac qanqoÿin, yaqto' ishit da ipacchigui da n'aqtac mayi nanettañi nam nqataxacpi mayi qoÿami' co'ollaxa namayipi, mayi 'eeta': “Aÿim nquiÿa namayipi, qamaq qaica ca sasouaxat.”

Juan 8:48

Nachi na judiopi 'eetega somayi, 'eeta': –Qomi' ÿataqta 'eesa de'eda qad'aqtac co'ollaq shinaqtac da chochi 'am Samaria l'ec qataq huo'o ñi 'ad'ec leguemaxaic.

Juan 7:20

Nachi na shiÿaxauapi 'enapeco': –'Am huo'o ñi 'ad'ec leguemaxaic, cha'ayi ¿negue'to' ca nshitaique da 'am ÿalauat?

Marcos 15:1

Qaq co'ollaq mashi yi'oxoñi, nachi lapona't som lataxala'pi na ntaxaÿaxanaxanecpi, qataq so nquedoxonecpi qataq som dapaxaguenataxaatapeguec na nqataxacpi, qataq 'enauac nam nta'alpi mayi loicnatac na lataxaguesat. Nachi namayipi ÿauec so Jesús, ÿaxatta'a't na lhua'q, da qoÿaneu'a so Pilato.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Mateo 23:15

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi! Cha'ayi qami' ÿataqta qaumachiÿa ana 'alhua qataq aso auaxai, da yaqto' ca shiÿaxaua i'amaqten qanqashiñi da qad'amqajnataxanaxaqui. Qaq da qaushichi que'eca shiÿaxaua, nachi camayi ÿataqta qau'ochiic da ÿataqta ÿacteec da nhuaxanaguec qom qaÿasaxaña ca nhuaxanqa' na 'itaxaloxoicpi, qaq saq 'en'am qome da qoñiita.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Mateo 12:24

Qalaxayi nam ÿalectaigui na fariseopi co'ollaq hua'aqchigui de'eda, nachi 'eeta': –De'eda shiÿaxaua mayi i'ottapeguec na n'ec leguemaxaicpi, qalaxayi do'otaxaatega da l'añaxac so Beelzebú mayi lataxala' ne'ena n'ecpi.

Mateo 10:17

Qaq maxatchaxa qome, cha'ayi na shiÿaxauapi qome ishit da qami' ÿaneu'alo na nta'alpi mayi i'ot na lataxacpi, da yaqto' qami' qaiuaxaata'pe da huaigui ana laponaxaquipi na judiopi.

Lucas 22:66

Qaq co'ollaq mashi yi'oxoñi, nachi lapona't so lquedoxonecpi na judiopi qataq so lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi. Nachi qaÿauegueu'a so nta'alpi mayi loicnatac na lataxacpi. Nachi qainattac, qoÿiita':

Hechos 4:15

Huaña, nachi qanqateeguesopa soomayi so naponaxac, nachi ndochiguiñi somayipi da detaxaÿapega't.

Hechos 5:21

Nachi co'ollaq hua'aqchiyigui de'eda, nachi so lÿa na'a'q ña nte'etom nachi nqo'oodeu'a aso n'onaxanaxaqui, nachi qaltaq dapaxaguenataxaata'pe. Qaq se'eso lta'a na ntaxaÿaxanaxanecpi qataq som ltauapi i'ot so laponaxac, ÿataxana't na nta'alpi mayi loicnatac na lataxaguesat. De'eda naigui da anac 'enauac nam lquedoxonecpi na llalaqpi so Israel. Nachi qaÿamaxasoxoneu'alo soua Jesús lamaxa'shi mayi netraigui aso ncoñitaxanaxaqui.

Hechos 6:12

Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat.

Hechos 6:15

Nachi se'eso nta'alpi qataq 'enauac som laÿipi mayi nso'ootañi, co'ollaq qaÿamato'ot so Esteban, nachi qaila'a na lashic da ÿataqta 'eeta'am da lashiguiÿaxac nam namaxashic piguem l'ecpi.

Hechos 22:30

Qaq so lÿa na'a'q nachi som nta'a huotaique da ÿaÿaten chaq ta'ainec na judiopi da nquiÿatega so Pablo. Nachi nqa't so lque'te, nachi ÿamaxalec da i'ot so laponaxac so lataxala'pi na ntaxaÿaxanaxanecpi, nataq'en 'enauac so nta'alpi mayi loicnatac na lataxaguesat. Nachi nqateec so Pablo da ÿataxanoigui somayipi.

Hechos 23:1

Nachi so Pablo co'ollaq ÿamataigui so nta'alpi mayi loicnatac na lataxaguesat. Nachi 'enapeco': –Qami' ÿaqaÿañicpi, aÿim chochi ivitta'a nagui da qaica ca da da ivilÿaxac, qaq ñi Dios ÿaÿaten.

Hechos 24:20

Qalaxayi nachi 'en'am ne'enapi da ishit da i'axat nagui da huo'otaq huo'o ca ilalec ÿasouaxashit can salectaigui so laponaxac nam lta'alpi na judiopi mayi loicnatac na lataxaguesat.