Mateo 5:20 - Nuevo Testamento Toba Sur

²⁰ Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

Nuevo Testamento Toba Sombrero Negro

²⁰ “Qalaĝaja ami ja'aĝatema queda'me qom ja anapaquiyalo'te ga'me judiopi napaĝaguenoqo'tpi nataq'aen joga'me fariseopi, ta'le auauoyi ga'me chimaqachiñe 'me Dios yiyamaĝaden, qama'le ja auaqanachichi ta'le ayoue da'me lejaliaĝa ñe'me Dios 'me ne'tague di'me piyem.

La'aqtaqa Ñim Lo'onatac 'Enauacna 2013

²⁰ Qaq ỹoqta 'eesa de'era qami' sa'axatema da saishet da qanapacỹalec da lalaxayec nam fariseopi qataq nam dapaxaguenataxaatapeguec na namaxasoxonaxacpi, nache saishet qome da qaunoxoñiiua'a da lo'onataxanaxac Ñim Lo'onatac 'Enauacna.

Mateo 5:20 Referans Kwoze

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Apocalipsis 21:27

Qalaxayi sa ishit da inoxoneu'a yimayi ca nshipaxan, huo'otaq ca ncocatapiguilo naua n'onataxaco, huo'otaq ca datenataxan, chaqcata ca qoÿittau'a ca l'enaxat aso lede so qagueta llalec asom nanedaxalate nam chochaq tateec da lca'alaxa.

Lucas 18:17

Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Lucas 11:44

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq nam fariseopi mayi qoñiitega da qami' 'eesoda! Cha'ayi qami' qoñiita'am acam huachiqui mayi sa qaila'a, nachi na shiÿaxauapi chochi qauatapeguelec, sa ishit da ÿaÿaten.

Marcos 10:25

Ÿataqta huo'o da lqalaic aca shiguiÿac l'enaxat camello da taigui qanqoÿin ca lauac aca qana, qalaxayi ÿataqta ÿapacteec da lqalaic ca sallaxanec da inoxoneu'a da l'onataxanaxac ñi Dios.

Marcos 10:15

Qaq ÿataqta 'eesa de'eda qami' sa'axatema, da ca sa ishit da i'enaxat ca nogotolec da ÿaconguet da l'onataxanaxac ñi Dios da ilo'ogue 'enauacna, nachi camayi sa ishit da inoxoneuo.

Mateo 18:5

Qataq ca souaxat da aÿim quetague' da ÿaconguet ca 'oonolec ne'ena nogotolec, qaq nachaÿim mayi aÿim ÿaconguet.

Mateo 3:10

Aca qachipe mashi sogote imetai' da iquesoxoñot ana qo'ipaqpi. Qaq 'enauac anam qo'ipaqpi mayi sa ishit da no'on ana ala, nachi anamayi qaiquesoqot. Ime, qaq qaÿasaxangui ca nodec.

Mateo 16:12

Huaña, nachi soomayi ÿaÿate'n da so Jesús sa ishit da 'eetega da qaivita'a ana yi'oqchigui ÿashiidaxachigui ana pan, chaqdata da qaivita'alo naua lapaxaguenataxanaxaco nam fariseopi qataq nam saduceopi.

2 Corintios 3:9

Qaq nam nqataxacpi mayi ishit da i'ot cam qanhuaxanaguec, da ÿataqta huo'o da lli'oxoyic, qalaq ¡táloxochi sa ÿapacteectoxo' da lli'oxoyic da l'aqtac ñi Dios mayi i'axatema qomi' da mashi qaica ca qadasouaxashit!