Mateo 5:11 - Nuevo Testamento Toba Sur

¹¹ Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

Nuevo Testamento Toba Sombrero Negro

¹¹ “Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

La'aqtaqa Ñim Lo'onatac 'Enauacna 2013

^11-12 Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da sa qami' iyacna'ape qataq qami' ỹasaxaleguete naua la'aqtaqa qauema maye saq 'e'n souaxat Aỹem. ¡Ỹataqta qauamaichiguiñi! ¡Qataq qantoñiitapigui'! Cha'aye ỹataqta lta'araic qome ca qansheetenaguiiqui da piguem. Cha'aye nachera da 'eetec da ncanaguec som hua'au la'aqtaxanaxanecpi Ñim Lo'onatac 'Enauacna co'ollaq saxanaqcaua qami'.

Mateo 5:11 Referans Kwoze

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.

Lucas 21:17

Qataq 'enauac qome na shiÿaxauapi mayi huetalecna qami' nquiÿalo, souaxat aÿim.

Marcos 13:13

Qaq 'enauac qome na shiÿaxauapi ÿataqta qami' nquiÿalo, souaxat da aÿim qoquiitague'. Qalaxayi cam qaica ca ÿoqocha'a, chochi ivitta'a ca loga't da nachaalataxac, qaq nachica ca qanca'alaxateec.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

1 Pedro 2:23

Qataq co'ollaq qaishiueetac, qalaq sa ishit da ÿi'iguelaxata'aguet da nshiunaguec, qataq co'ollaq qaÿauo'o da nque'ejnaxac, qalaq sa ishit da dadenaxaatac. Chaqdata da ipa'axano'ot ñi Dios mayi sa ishit da depe'enaxan da nmit ca nasouaxashit.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Mateo 10:39

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

Apocalipsis 2:3

Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.

Mateo 19:29

Nachi 'enauac nam n'onaxatchigui na lma'pi, huo'otaq ca lqaÿañicpi qataq lqaÿanpi 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na n'alhuapi, souaxat aÿim, nachi camayi ivi' qome ca cien nam qoÿami'pi. Nataq'en qoÿami' dam nca'alaxa mayi chochaq tateec.

2 Corintios 4:11

Cha'ayi qomi' nagui da ña ñica'alaqtauec, qalaq souaqtaigui da lchic da qanalaataguec 'enauaque naua na'axa'te souaxat so Jesús, yaqto' nataq'en da nachaalataxac somayi yi'oq da nachattaigui da qad'oquiaxac mayi huo'o ca loga't.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Romanos 8:36

Qaq ipacchigui da 'enapec naua ñiyigui'shi n'aqtaqa, 'eeta': 'Am sasouaxalec da imauec yi na'a'q da qomi' qaÿauecta'alo da qadeleuaxa; qomi' qoÿiita'ama qanqoÿin aca qaguetapi da qaÿauecta'a ca nalaataqa'.

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Lucas 9:24

Cha'ayi ca nshitaique da nachi 'eetai' da nca'altauec, qaq nachica ca daqat da nachaalataxac. Qaq ca daqat da nachaalataxac souaxat aÿim, qaq nachica ca jec da nca'altauec.

Marcos 8:35

Cha'ayi ca nshitaique da maichi nca'alaxajla't, nachi camayi daqat da nachaalataxac; qalaxayi ca daqat da nachaalataxac, souaxat da aÿim quetague' qataq souaxat da n'aqtac, nachi camayi qanca'alaxateec qome.

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Marcos 13:9

Qalaxayi qami' ÿataqta qanloiteec qome. Cha'ayi qami' qoÿaneu'alo qome na nta'alpi, qataq qami' qaiuaxaata'pe da huaigui ana laponaxaquipi na judiopi. Huaña, nachi qami' qanachaalataxaneu'alo na nta'alpi mayi ilotagueto naua 'ale'u qataq na lta'alpi namayipi, souaxat da aÿim qoquiitague'. Huaña qome, nachi ishit da aÿim qau'axachiim namayipi.

Mateo 27:39

Nachi nam natapeuga se'eso nqa'aic, namayipi ÿataqta iconnaxan na lqaic da ishiueetac somayi.

Marcos 4:17

Qalaxayi sa qaÿangui na lpa'a'q, nachi sa ishit da 'eetai'. Cha'ayi da ivita da anac da ñi'iguenataguec, huo'otaq da ncanaguec souaxat da n'aqtac, nachi camayi qoshiuec.

Mateo 10:18

Qataq ivida'a qome da qami' qaÿauegueu'alo nam ilotagueto naua 'ale'u, qataq na lta'alpi namayipi, souaxat da aÿim qoquiitague'. Huaña, nachi ishit da aÿim qau'axachi da qau'aqtaxañiim namayipi qataq nam sa ishit da judiopi.

Juan 9:28

Nachi somayipi ÿi'inai' somayi, nachi qoÿiitega, qoÿiita': –'Am peta'a qoquetague' se'eso shiÿaxaua; qomi', qalaxayi soqolaqtague' so Moisés.

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.