Mateo 4:24 - Nuevo Testamento Toba Sur

²⁴ Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Nuevo Testamento Toba Sombrero Negro

²⁴ Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

La'aqtaqa Ñim Lo'onatac 'Enauacna 2013

²⁴ Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Mateo 4:24 Referans Kwoze

Mateo 17:15

–'Am ÿataxala', ÿataqta 'auchoxoden qome da ÿalec, cha'ayi damayi copchaxaic qataq ÿataqta lta'adaic da nque'ejnaxac. Cha'ayi qalota naxa da tangui na nodec, huo'otaq na 'etaxat.

Mateo 8:6

'eeta': –'Am ÿataxala', yi ÿamaxashic huetaña yi ima', huetalec yi lmala', yimayi sa da'añiigue, ÿataqta lta'adaic da nque'ejnaxac souaxat da nqui'ic.

Lucas 5:15

Qalaxayi da n'aqtaguec so Jesús ÿataqta nquictauec, nachi ÿataqta qalota na shiÿaxauapi anac da ÿauotaique da n'axaÿaxana qataq huotaique da nataden somayi nam lalolaxapi.

Lucas 2:2

Qaq se'eso hua'auchiguiñi nedaxanaxac huetoigui so na'a'q co'ollaq ña ilotague' yi 'alhua l'enaxat Siria so nta'a l'enaxat Quirinio.

Mateo 17:18

Nachi so Jesús nlaxa se'eso n'ec leguemaxaic, nachi ca'ai naq'en so nsoq. Huaña, nachi no'oita somayi.

Mateo 15:22

Nachi aso 'alo mayi Canaán lashi mayi netaña yi'iyi 'alhua, asomayi anac, i'alaqtalec so Jesús, 'eeta': –¡'Am ÿataxala' mayi 'am llalec so nta'a David, aÿim 'auchoxoden qome! Añi ÿale huo'o so l'ec leguemaxaic, añimayi ÿataqta lta'adaic da nque'ejnaxac.

Mateo 12:22

Huaña, nachi qaÿauegueu'a so Jesús so shiÿaxaua mayi qanamaic qataq qaicaua naua l'aqtaqa. Somayi huo'o so l'ec leguemaxaic. Nachi so Jesús no'oita naq'en somayi, nachi se'eso shiÿaxaua ishit da nauaachiguiñi, qataq huo'oi naua l'aqtaqa.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Marcos 2:3

Nachi qandou'a ca hueta'a so Jesús so shiÿaxaua mayi sa da'añiigue. Somayi nacootaguilo soua lÿa't cuatro.

Marcos 1:32

Qaq co'ollaq mashi inoxooñi aso nala', mashi napaltapiguiñi, nachi qandou'a so Jesús 'enauac na sa no'onpi qataq nam huo'o na l'ec leguemaxaic.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Lucas 4:14

Nachi so Jesús ÿataqta nlaqchigui da l'añaxac so Espíritu Santo co'ollaq ÿi'iguelaxague da Galilea. Nachi jec da qan'aqtaxaatapigui somayi 'enauaque naua laÿil yi'iyi 'alhua.

Marcos 1:28

Nachi saqaÿaloq da qaÿaÿajna'a't so Jesús 'enauac yim 'alhua Galilea.

Mateo 14:1

Nachi se'esoua na'axa'te som Herodes mayi ilotague' yi Galilea, somayi ÿaÿaten da n'aqtaguec so Jesús.

Juan 10:21

Qalaxayi huo'o somayipi na 'eeta': –Qaica ca shiÿaxaua da huo'otaq huo'o ca l'ec leguemaxaic da 'eetec de'eda da ltaxaÿaxac. Cha'ayi ¿ishito' peta'a da ca huo'o ca l'ec leguemaxaic da nauaañi naq'en ca qanamaic?

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Mateo 9:26

Nachi se'eso qanayiuta'a 'alhua ividauec da ÿaÿaten 'enauac de'eda qai'ot.

Mateo 8:28

Qaq so Jesús co'ollaq mashi ivittague da le'ego aso lapel late'edai, nachi ana'c soua dos shiÿaxa'u, chigoqtroigui ca napa'alpi da ca'attra'aguet somayi. Qaq se'esoua dos shiÿaxa'u huo'o so l'ecpi leguemaxaicpi, qaq soomayi ÿataqta chaqaiqa. Qaq ÿoqo'oyi sa ishit da huo'o ca i'axasoxooteuga se'eso nqa'aic.

Mateo 8:33

Qaq som ilotague' aso cospi nachi datauec, ÿataqta ñi'i. Qaq co'ollaq ivideu'a ca pueblo, nachi i'axattac 'enauac de'eda qataq dam huaiguilo soua shiÿaxa'u mayi huo'o so l'ec leguemaxaicpi.

Marcos 2:4

Qalaxayi soomayi sa ishit da ÿañoxo't da ivildeu'a ca hueta'a so Jesús, souaxat da qalota na shiÿaxauapi. Nachi soomayi nqa't so laÿi so lapo' so noÿic. Nachi se'eso nauatac qaÿasaqchiguingui so sa no'on mayi huetalec so lacanec.

Marcos 2:9

¿Chaq négue't ca ÿoqta saq alaq da qaidolec? ¿Peta'a da qoÿiita': “Na 'adasouaxashitpi 'enauac qaÿapalaxat,” huo'otaq da qoÿiita': “Qoñishiguem, 'aunana't na 'adacanec, nachi qojec?”

Lucas 4:38

Huaña, nachi so Jesús ca'ai aso naponaxaqui, nachi tau'a so lma' so Simón. Qaq aso lachodo so Simón, asomayi sa no'on, ÿataqta qalota na l'edaxa. Nachi qanachoxonnot somayi da nataden asomayi.

Lucas 5:24

Qalaxayi moxochaqa, nagui qami' nachaxanalo ne'ena shiÿaxaua llalec da namayi ÿataqta huo'o naq 'enec ana 'alhua da ishit da ÿapalaxat na nasouaxashitpi. Huaña, nachi 'enapega som ÿale mayi sa da'añiigue, 'eeta': –Nagui 'am shinapega, qoñishiguem, 'aunana't na 'admala'. Ime, qaq qojec, 'anqo'ona ca 'adma'.

Hechos 8:7

Cha'ayi qalota na shiÿaxauapi na huo'o na l'ec leguemaxaic na qanataden, qaq nam n'ecpi mayi inoxoneec, namayipi i'alaqtagui. Qataq nataq'en qalota na qanataden nam sa da'añiigue qataq nam huaÿodaxaicpi.

Lucas 7:17

Nachi ima'a't qaÿaÿaten da i'ot so Jesús 'enauaque naua laÿil yi 'alhua l'enaxat Judea.

Hechos 28:9

Huaña, nachi anac nataq'en nam laÿipi sa no'on mayi netaña se'eso 'alhuolec, nachi 'enauac no'oita qanqoÿin.