Mateo 4:23 - Nuevo Testamento Toba Sur

²³ Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Nuevo Testamento Toba Sombrero Negro

²³ Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

La'aqtaqa Ñim Lo'onatac 'Enauacna 2013

²³ Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Mateo 4:23 Referans Kwoze

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Marcos 1:39

Nachi so Jesús coleetapeguelec yi 'alhua Galilea, dapaxaguenataxaatapoigui ana laponaxaqui na judiopi, qataq i'ottapeguec na l'ec leguemaxaicpi na shiÿaxauapi.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Lucas 7:22

Nachi so Jesús 'enapeco': –Qauesomiÿa qome, qoñiÿapega ca Juan nam qami' qauauañiichigui qataq qau'aqaichigui. Qataq qau'aqtaxañiim camayi da nauaañi na qanamaicpi, nam ñi'idauo naua lchil qalaq piguiñi, qataq nam nchiga na l'oc qalaq qaiÿouec da lalolaxa, qataq nam da'añaigui na lqaic qalaq hua'aqa, qataq nam mashi saqcapi qalaq nca'aleec ltaxa, qataq nam choxodaqpi mashi qai'axatem da nca'alaxa.

Mateo 11:5

Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Mateo 13:54

nachi taÿa yi maichi lalamaxat lma'. Huaña, nachi dapaxaguenataxaatapoigui aso laponaxaqui na judiopi yi'iyi 'alhua. Nachi na shiÿaxauapi ÿataqta huo'o da l'aalaxa, nachi 'eeta': –¿Huá'ague ca ÿachigoxota'ague da laÿajnec dam da' shiÿaxaua? ¿Chaq huá'ago' ca 'eetec yi ishit da i'ot nam sa qaÿauanapega?

Marcos 1:21

Qaq co'ollaq ivitra yi pueblo Capernaum, nachi so na'a'q mataxaqui so Jesús tau'a aso laponaxaqui na judiopi, nachi dapaxaguenataxaatac.

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Lucas 8:1

Qaq co'ollaq mashi qaÿoqtegue de'eda, nachi so Jesús quetagui na pueblopi qataq nam naña nam saq 'amaqtaq shiÿaxauapiolec da da'aqtaxaatac, i'axattapeguem da no'on l'axaÿaxac mayi i'axat da ñi Dios ilo'ogue 'enauacna. Qaq nnaictagueto soua doce lapaxaguenataqa.

Marcos 6:2

Qaq co'ollaq iviteuga so na'a'q mataxaqui, nachi somayi dapaxaguenataxaatapoigui aso laponaxaqui na judiopi. Qaq ÿataqta qalota na shiÿaxauapi n'axaÿaxaatega, nachi ÿataqta huo'o da l'aalaxa. Nachi somayipi 'enapeco': –¿Chaq huá'ago' ca ÿachigoxota'ague 'enauac na laÿajnec dam da' shiÿaxaua? qataq ¿chaq négue't dam da' naÿajnec mayi qoÿami', qataq nam sa qaÿauanapigui mayi i'ottacpi?

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.

Mateo 12:9

Nachi so Jesús jec, nachi tau'a aso laponaxaqui na judiopi.

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Lucas 13:10

Huo'o so na'a'q mataxaqui, nachi so Jesús dapaxaguenataxaatac, huetaigui asom laponaxaqui na judiopi.

Lucas 9:11

Qalaxayi so shiÿaxauapi co'ollaq l'axaÿaxac de'eda, nachi qaica'ateueegue somayi. Nachi so Jesús ÿaconguet 'enauac somayipi, nachi da'aqtaxaatapeguem da ñi Dios nachiñi ñi ilo'ogue 'enauacna, qataq nataden 'enauac na sa no'onpi.

Lucas 5:17

Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Marcos 6:6

Nachi so Jesús ÿataqta i'aalac somayipi, cha'ayi sa ishit da da'amqajnataxan. Ime, nachi somayi jec da quetagui na pueblopiolec mayi sa qaÿapeque da dapaxaguenataxaatac.

Marcos 3:10

Cha'ayi somayi ÿataqta qalota na nataden, nachi 'enauac na sa no'onpi ÿataqta namaxa't, nasoneu'a so Jesús da huotaique da ipoteu'a.

Marcos 1:14

Qaq co'ollaq mashi qoÿanaigui aso ncoñitaxanaxaqui so Juan, nachi so Jesús taÿa yi Galilea. Huaña, nachi i'axattac dam no'on qad'axaÿaxac mayi i'axat da l'onataxanaxac ñi Dios da ilo'ogue 'enauacna.

Hechos 20:25

Qaq nagui yi'oqta da 'enauac da qoñiita nam sa'aqtaxaatapeguem co'ollaxa da l'onataxanaxac ñi Dios da ilo'ogue 'enauacna, da nachi tachiguiña nagui da aÿim sa nauane'.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Juan 6:59

Qaq de'eda dapaxaguenataxaatapeguec so Jesús, damayi huaigui aso laponaxaqui na judiopi mayi naña yi Capernaum.

Lucas 10:9

Nachi qanatayiñi 'enauac nam sa no'onpi mayi hueta'a camayi, qataq qau'aqtaxañiim, qoñiita': “Da l'onataxanaxac ñi Dios da ilo'ogue 'enauacna, damayi mashi qami' nayiita'alo.”

Lucas 6:17

Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Mateo 14:14

Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

Mateo 13:19

Ca n'axaÿaxaatega da n'aqtaguec dam l'onataxanaxac ñi Dios mayi neta'ague da piguem, qalaq sa ishit da ÿaÿaten, camayi 'eeta'am aso nanguishi ala mayi tajlec so nqa'aic. Ime, qaq anac so shiÿaxaua lma'na, nachi deuotaxanec som n'aqtac mayi huetaigui añi lquiyaqte.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Lucas 20:1

Qaq huo'o so na'a'q co'ollaq so Jesús huetaigui aso n'onaxanaxaqui late'edai da ÿapaxagueetac so shiÿaxauapi, qataq i'axattac da nca'alaxa. Nachi nvideuo som lataxala'pi nam ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi qataq so nquedoxonecpi.

Lucas 4:14

Nachi so Jesús ÿataqta nlaqchigui da l'añaxac so Espíritu Santo co'ollaq ÿi'iguelaxague da Galilea. Nachi jec da qan'aqtaxaatapigui somayi 'enauaque naua laÿil yi'iyi 'alhua.

Lucas 6:6

Qaq so lÿa na'a'q mataxaqui nachi so Jesús qaltaq inoxoneu'a asom laponaxaqui na judiopi, nachi dapaxaguenataxaatac. Qaq ÿalectauo so shiÿaxaua mayi daqaqta na lhuaq mayi aloic.

Lucas 7:21

Nachi co'ollaq chochi ivildeuo soomayi, nachi so Jesús ÿataqta qalota so shiÿaxauapi nataden na ÿotta'a't lalolaxacpi, nataq'en nataden nam huo'o na l'ec leguemaxaic, nataq'en qalota na nauaañi naq'en nam qanamaicpi.

Lucas 9:60

Qalaxayi so Jesús 'enapeco': –Ña 'au'axaÿa'a nam 'ico' leuaxaicpi da ilayiñi nam lqatacpi. 'Am, qalaxayi qojec, 'au'axateec da ñi Dios nachiñi ñi ilo'ogue 'enauacna.

Lucas 16:16

Na nqataxacpi mayi chigoqo'ot so Moisés qataq nam lapaxaguenataxanaxacpi som l'aqtaxanaxanecpi ñi Dios, namayi ñaq huo'o, chochi ivitta'a co'ollaq nvi' so Juan. Huaña, nachi qai'axat da l'onataxanaxac ñi Dios da ilo'ogue 'enauacna, nachi 'enauac na shiÿaxauapi ÿataqta n'añaxat da inoxoneu'a damayi.

Hechos 28:31

Nachi ÿataqta qaica ca ndaqtaique da i'axattac da l'onataxanaxac ñi Dios da ilo'ogue 'enauacna, qataq dapaxaguenataxaatapeguec so qadataxala' Jesucristo. Ÿataqta qaica ca naxattac da l'aqtaxanaxac.