Mateo 4:19 - Nuevo Testamento Toba Sur

¹⁹ Nachi so Jesús 'enapegalo, 'eeta': –Aÿim qoquiigue, yaqto' qami' sanaguilo da qanmichiÿaique na shiÿaxauapi, qoñiita'am ca ÿi'acoxoic.

Nuevo Testamento Toba Sombrero Negro

¹⁹ Qama'le Jesús yiyaĝanalo jogaa'me, enaac: —¡Jayem oquiyegue, qama'le ami janema qomle da'me adañoqotaĝanaĝaqui qaedi anec'alaĝachidegue ga'me jiyaĝadipi!

La'aqtaqa Ñim Lo'onatac 'Enauacna 2013

¹⁹ nache So Jesús 'enapegalo, 'eeta': «Aỹem qauca'acheegue. Yaqto' nache tachiguiña da qaya'acoxoqui, nache Aỹem qami' sapaxagueneque da lataxac da yaqto' ishet da qanaviquiiua'a Aỹem na shiỹaxauapi.»

Mateo 4:19 Referans Kwoze

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Lucas 9:59

So Jesús qataq 'enapega so lÿa, 'eeta': –Aÿim 'auca'ategue. Qalaxayi somayi 'enapeco': –'Am ÿataxala', aÿim 'au'axaÿa'a ña sa'auaxaañi da selayiñi yi ita'a.

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Juan 1:43

Qaq so lÿa na'a'q, nachi so Jesús ÿauotaique da taigue da 'alhua Galilea. Nachi natenalec so Felipe, nachi 'enapega, 'eeta': –Aÿim qoquegue.

Lucas 5:27

Qaq co'ollaq ime de'eda, nachi so Jesús inoxoneec, nachi ilalec som ÿacootapeeguet ana nshiitenaqte ca nta'a. Somayi l'enaxat Leví, qaq nso'ootañi, netaña so lshiitenaxanqa' nam deshiitenaxaatac. Nachi 'enapego', 'eeta': –Aÿim 'auca'ategue.

Marcos 2:14

Qaq co'ollaq jec, nachi ila'a so Leví som llalec so Alfeo. Somayi nso'ootañi, hueta'a aca lshiitenaxanaxaqui na shiÿaxauapi da ishiiten ca nta'a. Qaq so Jesús nachi iÿaxana somayi, 'eeta': –Aÿim 'auca'ategue qome. Nachi so Leví ñishiguem, nachi ca'ategue.

Mateo 19:21

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Mateo 8:22

Nachi so Jesús 'enapeco': –Aÿim 'auca'ategue, 'au'axaÿa'a nam 'ico' leuaxaicpi da ña ilayiñi nam lqatacpi.

2 Corintios 12:16

Qaq huo'o da qoñiita na ÿaÿateeta da sa ishit da aÿim qautauañiitac, qalaq nachi 'en'am 'eetega da aÿim sa ñaqalaat da chochi qami' ñoqovi'n.

Mateo 4:18

Qaq huo'o so na'a'q so Jesús queto'ot so loigue aso lapel late'edai mayi huaña yi Galilea. Nachi ila'alo soua dos nqaÿa't. So 'oonolec l'enaxat Simón, da l'enaxat lÿa Pedro. Qaq so lÿa, qalaq l'enaxat Andrés. Soomayi ÿasaqtrapiguiñi so lalegue'c, cha'ayi ÿi'acoxoiqa.

Mateo 4:20

Nachi soomayi qaica ca ÿictrega, nachi n'onaxatchiguilo so lalegue'c da ca'atregue somayi.