Mateo 28:20 - Nuevo Testamento Toba Sur

²⁰ Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Nuevo Testamento Toba Sombrero Negro

²⁰ nataq'aen auapaĝagueñi' qaedi quetede'egue yema ga'me jo'ne joote ami jamaĝalo'te. Qama'le jayem nach'e eta't da'me ami joue'tajopa chayovida'a qom loiquiaqa' jena'me aleua.

La'aqtaqa Ñim Lo'onatac 'Enauacna 2013

²⁰ Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 28:20 Referans Kwoze

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Mateo 18:20

Cha'ayi cam huetra'ague caua dos, huo'otaq tres, da lapootega't souaxat da aÿim i'amaqteetrac, nachi aÿim sootanguilo caamayi.

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

Mateo 13:49

Qaq 'eda da 'eetec qom ivita ca loga't ana 'alhua, da anac nam namaxashic piguem l'ecpi, da yaqto' nqateu'a na qauemaicpi, da nqateeguesop nam no'on da lataxac.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

1 Corintios 11:23

Cha'ayi aÿim sachigoxoto'ot so qadataxala' de'eda napaxaguenataxanaxac mayi mashi qami' sanema da se'eso pe co'ollaq yaqta'a da qoÿaneuo so qadataxala' Jesús, nachi ÿacona aso pan.

Mateo 24:3

Nachi nqo'ooyishiguemec aso saqaÿoqotchiguemec 'alhua mayi nanqa' ana olivos. Nachi so Jesús co'ollaq nso'ootañi, nachi soua lapaxaguenataqa isoxoototo somayi da ina't, 'eetra': –Sauoqtaique da qomi' 'au'axatema chaq lagui qaq ivita de'eda. ¿Chaq négue't qome ca l'anaxat ca 'ayi'iguelaxasoxoc qataq cam loga't ana 'alhua?