Mateo 28:19 - Nuevo Testamento Toba Sur

¹⁹ Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Nuevo Testamento Toba Sombrero Negro

¹⁹ Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

La'aqtaqa Ñim Lo'onatac 'Enauacna 2013

¹⁹ Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Mateo 28:19 Referans Kwoze

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Gálatas 3:27

Qaq ÿoqo'oyi 'enauac da qoñiita mayi qaunoxoñiu'a da qan'ayiitau'a so Cristo can qami' qanachilaxa'n. Huaña, nachi qami' ÿanaxanaxaanguilo da lataxac somayi, 'eeta'am ca yi'oqchigui nogoxot.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

1 Corintios 15:29

Qaq ¿huá'ague ca 'eetec yi huo'o na nañan da qanachilaxan da nshitaique da 'ico' qanachilaxan ca leuaxaic? ¿Tá'ainco' yi i'ot de'eda? Da huo'otaq sa ishit da nca'aleec qanqoÿin na leuaxaicpi, ¿tá'ainco' yi nañaalec namayipi da qanachilaxan?

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

Hechos 9:18

Huaña, nachi so Saulo huo'o aso chigoqtoiguilo naua l'ai'te, 'eeta'am ana lso, nachi ishit da qaltaq nauaañi. Nachi somayi ñishiguem, nachi qanachilaxan, da yaqto' da'amqajnataxan.

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.

1 Juan 5:7

Qaq tres naua hueto'oto na piguem mayi i'axa't de'eda: ñi qadta'a, qataq so l'enaxat n'aqtac, qataq so Espíritu Santo. Qaq ne'enaua tres 'eeta'am da 'oonolec.

Mateo 25:32

Nachi 'enauac nam ÿotta'a't shiÿaxauapi qalaponeu'a namayi, nachi namayi iÿodacachi qome na shiÿaxauapi da 'eeta'am ca ilotague' ana qagueta da iÿotauga ana qagueta qataq ana quetaqpi.

Hechos 1:2

chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo.