Mateo 28:18 - Nuevo Testamento Toba Sur

¹⁸ Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Nuevo Testamento Toba Sombrero Negro

¹⁸ Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

La'aqtaqa Ñim Lo'onatac 'Enauacna 2013

¹⁸ Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 28:18 Referans Kwoze

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Mateo 11:27

Ñi ita'a aÿim imato'ot 'enauac da l'onataxanaxac. Qaq qaica ca ishit da ÿauatton na llalec, chaqñita ñimayi mayi ÿauatton. Qataq qaica ca ishit da ÿauatton ñimayi, chaqnata na llalec mayi ÿauatton, qataq cam ÿauattonaxanaxanec ñimayi nam llalec.

Hebreos 2:8

qaq 'enauac na 'ad'onatacpi 'eeta'am da 'auacho'oto naua lapia'te namayipi. Qaq ÿoqo'oyi co'ollaq mashi ime da qaÿacho'oto naua lchil na shiÿaxauapi 'enauac na n'onatacpi, nachi ñi Dios sa ishit da huo'o ca 'oonolec da daqaptauec da saq hueto'ot naq'en da lamaxasoxonaxac na shiÿaxauapi. Qamaq nagui saxanaxa da huo'otaq qomi' selaqa'a da huo'otaq 'enauac na n'onatacpi ishit da ÿalaxaguet na shiÿaxauapi.

1 Corintios 15:27

Cha'ayi ñi Dios mashi ipataxalec da ilo'ogue 'enauacna so Cristo. Qalaxayi naua ñiyigui'shi l'aqtaqa ñi Dios qom 'enapec da qaipataxalec 'enauacna somayi, qaq sa ishit da ñi Dios ÿalectoigui 'enauacna, cha'ayi ñimayi nachiñi ñi chigoqchigui da ipataxalec somayi 'enauacna.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Colosenses 2:10

Qaq nagui ÿataqta qami' nlaqchiguilo da lataxac ñi Dios, cha'ayi qan'ayiitau'a so Cristo. Somayi nachiso so napacalec 'enauac da namaxasoxonapecpi qataq nam 'añaxaicpi mayi saq cha'a.

Lucas 10:22

Nachi 'enapego' so shiÿaxauapi, 'eeta': –Ñi ita'a aÿim ÿanem 'enauac da nauattonaxanaxac. Qalaxayi qaica ca ishit da ÿauatton ne'ena llalec, chaqñita ñim lta'a mayi ÿauatton, qataq qaica ca ishit da ÿauatton ñim lta'a, chaqnata na llalec mayi ÿauatton qataq 'enauac nam tachigui da ÿauattonaxanaxan namayi.

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Mateo 16:28

Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.

Juan 3:31

Cam chigaqa'ague da piguem, camayi napacalec 'enauacna. Qaq cam chigaqalec ana 'alhua, camayi ipacchigui ca chochi 'alhua l'ec. Nachi da detaqa, qalaq i'axattac na huetalec ana 'alhua. Qalaxayi cam chigaqa'ague da piguem, camayi napacalec 'enauacna.