Mateo 27:66 - Nuevo Testamento Toba Sur

⁶⁶ Nachi somayipi jec, da yaqto' qanauanalec qanqoÿin aso huachiqui, qataq qoÿanagui aso l'anaqte so coma' mayi lapoxot aso huachiqui. Nachi qan'onaxatrañi soua huataxanaq lashi', da yaqto' nauaatralec asomayi.

Nuevo Testamento Toba Sombrero Negro

⁶⁶ Chane'eja eque' ca'li, naua'n ga'me napa'l lae't qama'le qo'yamelegue ga'me 'nanaĝajet ga'me qa' 'me lapadenaĝat. Yem qama'le qoyacheteda'ajop gaa'me coico laje' 'me vitaĝayaqa.

La'aqtaqa Ñim Lo'onatac 'Enauacna 2013

⁶⁶ Nache somayepi jec da nqo'oneuga aso huachiqui, nache icoñerañi so coma' maye lapoxot so ñegueuo asomaye da yaqto' saishet da deraỹapigui'. Nataqa'en qano'onaxatrañi soua huataxanaq lashe', da yaqto' nauaatralec asomaye.

Mateo 27:66 Referans Kwoze

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

Mateo 28:2

Nachi nque'elaxatta da huo'o so lacholaxanaxa ana 'alhua, cha'ayi so lamaxashic piguem l'ec ñi qadataxala', somayi chigoqtot na piguem da naÿaña aso huachiqui. Nachi nqat so coma' lta'adaic mayi lapoxot asomayi, nachi nso'ootalec.

Mateo 27:60

Nachi ÿachangui aso maichi lalamaqte nhuachiqui mayi damaxasoxoolec co'ollaxa da qanshi' da qoÿanaigui so coma'. Qaq co'ollaq imat da ÿapogui asomayi so coma' lta'adaic, nachi jec.

Mateo 28:11

Qaq co'ollaq mashi je'c soua 'alo, nachi huo'oi soua je'c huataxanaq lashi' da tadeu'a yi la ciudad. Nachi da'aqtaxaadem som lataxala'pi na ntaxaÿaxanaxanecpi 'enauac de'eda qaÿauaachigui.

Mateo 27:65

Nachi so Pilato 'enapeco': –'Eda da huataxanaqpi. Qauesomiÿa, qanqo'oñiuga aca huachiqui. Nachi ÿataqta qanaÿamaxachiitelec da qanauañiÿalec.

Marcos 16:4

Qalaxayi co'ollaq qaÿamatau'a se'eso coma' lta'adaic mayi lapoxot aso huachiqui, nachi mashi qaica.

Juan 20:1

Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

Apocalipsis 20:3

Nachi ÿasaxaña cam laponqa' na leuaxaicpi. Nachi ÿapou'a, qataq itoqoolec aso l'anaxanaqte, da yaqto' sa ishit da qaltaq ÿatenachit na ÿotta'a't shiÿaxauapi, to' qom mashi inoxoodeec ca mil vi'iyi. Qaq qom mashi inoxoodeec que'ecaua vi'iyi, nachi somayi cada'ac da qaisouec.