Mateo 27:64 - Nuevo Testamento Toba Sur

⁶⁴ Qaq ÿoqo'oyi no'on da qanauanalec qome añi laÿi', chochi ivitta'a da inoxoodeec caua tres na'axa'te, yaqto' sa ishit da anac qome na lapaxaguenatacpi da pe da decachiÿa da l'oquiaxac, ime, qaq 'enapega na shiÿaxauapi, 'eeta': “Nca'aleeguesop na leuaxaicpi somayi.” Huaña qome, nachi que'eca pa'ateec nashipegaxanaxac ÿataqta saq 'ena'aÿa', sa ishit da 'eeta'am so hua'auteec nashipegaxanaxac.

Nuevo Testamento Toba Sombrero Negro

⁶⁴ Qo'che' nayi 'noota qom auamaĝajoĝolegue qaedi qonauan jaga'me napa'l lae't chayovida'a yenoĝodegue tres noloqo'ote. Ja 'noota qom nec'adeta gaa'me lalemaĝaje'te qama'le decachita ga'me lapat qama'le ua'edi t'aqataĝanema ga'me jiyaĝadipi queda'me joote 'niyelaĝajeguem. Qom naq'aeta da'me dojo' p'ategue noqovinaĝanaĝac yataqachiñe lama'aja qomle, ja ena'am ga'me 'uaeñe.

La'aqtaqa Ñim Lo'onatac 'Enauacna 2013

⁶⁴ Qaq ỹoqo'oye nagui na lapaxaguenatacpi ishet da decachiỹa ye lo'ocỹaxac, ime, nache da'aqtaxanem na shiỹaxauapi da 'eetega da nca'alec So Jesús. Qaq ỹoqta ỹactec qome de'era natenataxanaxac napacalec da 'enapec co'ollaxa yemaye, da 'eetega Lca'aguishec Ñim Lo'onatac 'Enauacna. Qaq da yaqto' saishet da 'eetec de'era, nache 'auauo'o ca 'analleppi da yaqto' nauaatalec añi huachiqui, choche ivitta'a da inoxoore'c caua tres na'axa'te.

Mateo 27:64 Referans Kwoze

Mateo 28:13

Nachi qoÿiitega, qoÿiita': –Qami' qoñiÿapec qome da se'eso pe co'ollaq qau'ochiita, nachi soua lapaxaguenataqa so Jesús ana'c da decachiida so l'oquiaxac somayi.

Mateo 12:45

Ime, nachi ÿi'iguelaqteec da ÿi'iguena'alo soua lÿa't siete mayi ÿataqta napacalguete somayi. Huaña, nachi 'enauaque soomayi tadoigui se'eso shiÿaxaua. Huaña, nachi se'eso shiÿaxaua ÿataqta ÿacteec da aloic, saq 'en'am so hua'auchiguiñi. Qaq 'eda qome nataq'en da 'eetec ne'ena shiÿaxauapi mayi qauemaicpi.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Mateo 27:65

Nachi so Pilato 'enapeco': –'Eda da huataxanaqpi. Qauesomiÿa, qanqo'oñiuga aca huachiqui. Nachi ÿataqta qanaÿamaxachiitelec da qanauañiÿalec.

1 Ts 2:3

Cha'ayi qomi' saÿajnaqta da sa ishit da nsomaxac da sa'axataqtac, qataq sa ishit da sa ÿaÿamaxañi ca shinaqtapeguec, qataq sa ishit da qadhuennataxa da qami' satenachitaqta'pe.