Mateo 27:63 - Nuevo Testamento Toba Sur

⁶³ Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Nuevo Testamento Toba Sombrero Negro

⁶³ qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.

La'aqtaqa Ñim Lo'onatac 'Enauacna 2013

⁶³ Nache qoỹeetega, qoỹeeta': –'Am Qarataxala', qomi' tachigui qarhuel se'eso tenataxanaxaic da la'aqtac co'ollaq ña nca'altauec, nache 'eetega da qom inoxoore'c caua tres na'axa'te, nache qaltaq nca'aleeguesop da nleuaxa.

Mateo 27:63 Referans Kwoze

Lucas 9:22

Nachi 'enapeco': –Ne'ena shiÿaxaua llalec ÿataqta qalota qome da nque'ejnaxac, qataq qaimaqauec, imaqauec na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq qaÿalauat qome. Qalaxayi da mashi ivi' caua tres na'axa'te, nachi qaltaq nca'aleec.

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Juan 2:19

Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.

Lucas 18:33

Qataq qaiuaxaatac qome. Qaq qom ime, nachi qaÿalauat. Qalaxayi qom mashi ivi' naua tres na'axa'te, nachi qaltaq nca'aleec.

Marcos 10:34

Nachi namayipi qome ÿataqta aÿim i'en, qataq aÿim iuaxaatalec, qataq nqaigoqtaigui na ÿashic qataq aÿim ÿalauat. Qalaxayi qom mashi ivi' caua tres na'axa'te, nachi qaltaq aÿim qanca'alaxateec.

Marcos 8:31

Huaña, nachi da'aqtaxanema soomayi, 'eeta': Ne'ena shiÿaxaua llalec ÿataqta qalota qome da nque'ejnaxac, qataq ÿamaqhuec qome namayi na nquedoxonecpi, qataq na lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi. Qataq i'axatema soomayi da somayi taÿa'a da qaÿalauat, qalaxayi qom mashi inoxoodeec caua tres na'axa'te, nachi qaltaq nca'aleec.

Mateo 20:19

qataq da ÿaneu'a nam ÿaqa'a ca chigaqa'ague, da yaqto' ÿi'enai' namayi, qataq da iuaxaatac, ime, qaq iuaxaneuo. Qalaxayi qom mashi ivi' caua tres na'axa'te, nachi namayi qaltaq nca'aleec.

Mateo 17:23

nachi qaÿalauat. Qalaxayi qom inoxoodeec caua tres na'axa'te, nachi qaltaq nca'aleec. Nachi de'eda l'aqtac ÿataqta ÿaquicoqchi't soomayi.

Mateo 26:61

Nachi 'ena'po': –De'eda shiÿaxaua huo'o so na'a'q nachi 'eeta': “Aÿim seshit da ñilaxajñi ñi'iñi lauo' ñi Dios, qataq ishit da ñi'oxooshiguem tres na'axa'te, nachi ime ñaq'en.”

2 Corintios 6:8

Qaq huo'o yi na'a'q qaq huo'o da qañi'oxonnataguec, qataq da qomi' sa qaiyacna'pe. Qataq huo'o da no'on da qan'aqtaguec, qataq da qauem da qan'aqtaguec. Qataq huo'o da qoÿiitega qomi' shipecaiqa, qataq huo'o da qoÿiitega da qomi' 'eesoda.

Juan 7:12

Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Lucas 23:2

Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

Juan 7:47

Nachi na fariseopi 'enapeco': –¿Qachi nataq'eno' da qoñiita qanashiñiita da chochi qami' qaÿatenachi't?

Mateo 27:64

Qaq ÿoqo'oyi no'on da qanauanalec qome añi laÿi', chochi ivitta'a da inoxoodeec caua tres na'axa'te, yaqto' sa ishit da anac qome na lapaxaguenatacpi da pe da decachiÿa da l'oquiaxac, ime, qaq 'enapega na shiÿaxauapi, 'eeta': “Nca'aleeguesop na leuaxaicpi somayi.” Huaña qome, nachi que'eca pa'ateec nashipegaxanaxac ÿataqta saq 'ena'aÿa', sa ishit da 'eeta'am so hua'auteec nashipegaxanaxac.

Mateo 28:6

Qaq somayi sa ishit da hueta'a ne'ena. Cha'ayi mashi qaltaq nca'aleec, ipacchigui co'ollaxa da 'enapec. Qayalaÿi, ña qaumijñi nam qaÿachaña co'ollaxa.

Marcos 9:31

Cha'ayi somayi i'axattapeguema soua lapaxaguenataqa da 'eeta': –Na shiÿaxaua llalec qoÿanoigui qome na shiÿaxauapi, da yaqto' ÿalauat. Qalaxayi qom ivi' caua tres na'axa'te, nachi qaltaq nca'aleec.

Lucas 18:31

Nachi so Jesús iÿaxana so doce lapaxaguenatacpi da iÿotauga, nachi 'enapega, 'eeta': –Nagui qomi' saxague da Jerusalén, nachi huaña qome yimayi da ipacchigui 'enauac dam n'aqtaguec na shiÿaxaua llalec dam ÿiyiñi co'olloxochiyi som l'aqtaxanaxanecpi ñi Dios.