Mateo 27:24 - Nuevo Testamento Toba Sur

²⁴ Qaq so Pilato co'ollaq ila'a da sa ishit da ÿañoxot so shiÿaxauapi, chaqdata da nquictashiguem somayipi da lliÿa't, nachi somayi damaxasoxonaique so 'etaxat. Nachi somayi ÿauaachigui naq'en so shiÿaxauapi da iÿoi' naua lhua'q, nachi 'enapeco': –Aÿim sa ishit da ÿasouaxashit da l-leuaxa de'eda shiÿaxaua mayi qaica ca ÿasouaxat. Qaq damayi maichi qadasouaxashichi.

Nuevo Testamento Toba Sombrero Negro

²⁴ Ca'li Pilato yauana queda'me qaya'te yaqanatet dite da'me nichiguegue da'me yalimaĝan, damaĝajoĝonaque ga'me noĝop qama'le yiyo'y naa'me loua' ca'li maliaĝa dajo'tagueta jogaa'me, enaac: —Ja naqayem ta'le janoue da'me leleuaĝa jenjo' jiyaĝaua; mach'e adoĝochi.

La'aqtaqa Ñim Lo'onatac 'Enauacna 2013

²⁴ Qaq so Pilato co'ollaq ila'a da saishet da ỹañoxot so shiỹaxauapi, nachaqrata da nquictasheguem somayepi da lliỹa't. Nache damaxasoxonaique so 'etaxat da qandoua'a, nache somaye ỹauaachigui naqa'en so shiỹaxauapi da iỹoi' naua lhua'q, nache 'enapeco': –Aỹem saishet da ỹasouaxashet da l-leuaxa de'era ỹale. Qami' maye qarasouaxashechi de'era.

Mateo 27:24 Referans Kwoze

Mateo 27:4

Nachi 'eetega somayipi, 'eeta': –Aÿim huo'o da ÿasouaxashit, cha'ayi sanguet da nalaataguec so shiÿaxaua mayi qaica ca ÿasouaxat. Qalaxayi somayipi 'enapeco': –Aque', ¡Damayi sa ishit da qomi' saqtapegueu'a! ¡Damayi maichi 'adasouaxashit!

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Mateo 26:5

Qalaxayi somayipi 'enapeco': –Sa ishit qome da huetoigui ñaqashinaq naua na'axa'te naponaxaqui', yaqto' sa ishit da i'elaxa't na shiÿaxauapi.

Hechos 3:14

Nachi qami' sa qauÿaxañiu'a da qaisouec so shiÿaxaua mayi qui'itta qataq no'on da lataxac; nda'a't da qami' qauÿaxañiu'a da qaisouec som laataxanaxaic.

Juan 19:4

Nachi so Pilato qaltaq pa'auec, nachi 'enapego' somayipi, 'eeta': –Ña qauloÿa, nagui damayi ñaqateec, yaqto' ishit da qauaÿajñiita da aÿim qaica ca sanata lasouaxashit damayi.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 27:9

Huaña, nachi ÿataqta ipacchigui da l'aqtaxanaxac so l'aqtaxanaxanec ñi Dios l'enaxat Jeremías, co'ollaq 'eeta': “Qaÿacona asom treinta lcatpiole mayi chigaqaigui na plata (asom ÿaneuo nam llalaqpi so Israel mayi ÿauotaique lashiue que'eca shiÿaxaua),

Mateo 27:19

Qaq so Pilato co'ollaq ña nso'ootaña so l'onataxanqa', nachi aso lhua namaxai' da l'aqtac, 'eeta': “Sa ishit qome da 'aÿapegueu'a que'eca shiÿaxaua mayi no'on da lataxac, cha'ayi so pe ÿataqta qaica ca 'en'am da lchic so ichoxonaxac, souaxat camayi.”

Mateo 27:23

Nachi so Pilato 'enapego' somayipi, 'eeta': –Qaq ¿négue'to' cam i'ot sa ÿaÿamaxañi damayi? Qalaxayi somayipi ñi'iguelaxashiguem da i'alaq, 'eeta': –¡Qaiuaxaneuo!

Juan 13:9

Nachi so Simón Pedro 'enapeco': –Hua' qone', 'am ÿataxala', qalaxayi sa ishit qome da nachaqnauate' naua ÿapia'te da 'auÿoi', nataq'en naua iua'q qataq na ÿaqaic.