Mateo 26:70 - Nuevo Testamento Toba Sur

⁷⁰ Qalaxayi so Pedro hua'aqchigui naq'en 'enauac so shiÿaxauapi co'ollaq nqolguet, 'eeta' –Aque', sa saÿaten dam 'au'axattac.

Nuevo Testamento Toba Sombrero Negro

⁷⁰ Qalaĝaja Pedro ena'uaque jogaa'me yomachaqateteque da'me nemanec: —Ja jayaten ga'me a'uaĝatetac.

La'aqtaqa Ñim Lo'onatac 'Enauacna 2013

⁷⁰ Qalaxaye so Pedro hua'aqchigui naqa'en 'enauac so shiỹaxauapi co'ollaq nqoleguet, 'eeta' –Aque', sa saỹaten dam 'aua'axattac.

Mateo 26:70 Referans Kwoze

1 Corintios 10:12

Qaq ÿoqo'oyi da huo'o ca ipi'itaxaatega da sa ishit da huañi, qaq no'on da ntelañi, da yaqto' sa ishit da huañi.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Romanos 11:20

Qaq damayi ÿaÿamaqchiguiñi. Qalaxayi namayipi qaiquesoxouec, cha'ayi qaica ca lpi'iÿaxac. Qaq 'am huo'o yi 'addaqa', cha'ayi souaxat da huo'o da 'adpi'iÿaxac. Qaq ÿoqo'oyi sa ishit qome da 'am 'an'amaqten. Chaqdata da ÿataqta 'antelañi.

Mateo 26:58

Qalaxayi so Pedro ca'attaueegue somayipi, qalaxayi qaÿoqteguet, chochi ivittau'a ca nqasoxoc ca lma' som lta'a na lataxala'pi na ntaxaÿaxanaxanecpi. Huaña, nachi pa'auo, nachi nso'ootañi, netangui so huataxanaqpi, cha'ayi ÿauotaique da ÿauaachigui ca loga't 'enauac de'eda.

Mateo 26:56

Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Mateo 26:51

Huaña, nachi so 'oonolec soua lÿa't so Jesús, somayi nqatshiguem so lainec. Nachi iquesoxouec ana ltela lÿa so lamaxashic so lataxala' na ntaxaÿaxanaxanecpi.

Mateo 26:69

Qaq so Pedro ña nso'ootañi, netauga so qasoxoc, nachi anac aso namaxashi. Nachi 'enapega somayi, 'eeta': –'Am nataq'en 'annaictague' da Jesús mayi l'ec yi Galilea.

Mateo 26:71

Qaq so Pedro mashi taÿa'a so lasom co'ollaq anac aso lÿa namaxashi. Nachi co'ollaq ila'a somayi, nachi asomayi 'enapego' som hueta'a so qasoxoc, 'eeta': –De'eda shiÿaxaua, damayi nataq'en nnaictague' da Jesús mayi Nazaret l'ec.

Lucas 22:57

Qalaxayi so Pedro nqolguet, nachi 'eeta': –Aque', aÿim sa sauatton damayi.