Mateo 26:63 - Nuevo Testamento Toba Sur

⁶³ Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Nuevo Testamento Toba Sombrero Negro

⁶³ Qalaĝaja Jesús 'nemaĝadela't ca'li. Ñe'me p'ajaye lejaliaĝanec ga'me tamenaĝaiqui lo'olpi enaac: —Am jedolegue da'me lenaĝat ñe'me Dios 'me nec'aletaye qaedi qo'mi a'uaqataĝanema. ¿Naqa'am joona da'me am Dios Liquiyac, jo'ne Dios Lec'oĝot?

La'aqtaqa Ñim Lo'onatac 'Enauacna 2013

⁶³ Qalaxaye So Jesús saishet da ỹasat, nache so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, 'enapega So Jesús, 'eeta': –'Am serolec da le'enaxat Ñim Lo'onatac 'Enauacna maye nca'altauec, da ñaq 'anasaxauec ca 'eesa. 'Aua'axat da nache 'am maye 'am Lca'aguishec Ñim Lo'onatac 'Enauacna qataq 'am Llalec Ñimaye.

Mateo 26:63 Referans Kwoze

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Mateo 27:12

Nachi nam lataxala'pi nam ntaxaÿaxanaxanecpi qataq nam nquedoxonecpi co'ollaq imettalec na lasouaxashitpi, qalaq somayi sa ishit da ÿasat.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 19:9

Nachi qaltaq taigui so lma', nachi qaltaq inattac so Jesús, 'eeta': –¿Chaq huá'ague ca ÿoqta 'auachigoqta'ague 'am? Qalaxayi so Jesús sa ishit da huo'o ca l'aqtac.

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

Juan 10:30

Aÿim qataq ñi ita'a qomi' 'oonolec da qadataxac.

Juan 10:24

Nachi na judiopi laponeu'a somayi. Nachi qoÿiitega, qoÿiita': –¿Chaq láguio', qaq ishit da ÿoqta qomi' 'an'axattalo? Da ÿoqta nachi'am nta'a nca'alaxaqui, qaq no'ónctaxa da ÿataqta qomi' 'au'aqtaxaatema, nachi a'ayi.

Juan 8:25

Nachi qainattac somayi, qoÿiita': –¿Négue't 'am? Nachi so Jesús 'enapeco': –Mashi sogote mque' da qami' sa'aqtaxaatapeguema so hua'auchiguiñi.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 1:34

Qaq aÿim mashi sauaachigui somayi, nachi sa'axattac da somayi nachiso so llalec ñi Dios.

Marcos 14:61

Qalaxayi so Jesús ÿi'imaqtom, sa ishit da ÿasat. Nachi som lta'a na nataxala'pi qaltaq ÿi'iguelaxalec da inat, 'eeta': –¿Peta'a nachi'am qadta'a qadca'alaxaqui, mayi 'am llalec ñim Dios mayi qayi'oxonnatac?

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 27:43

Ñi mayi ÿachito'ot da lpi'iÿaxac ñi Dios. Qaq ñi Dios no'on da nca'alaxateec nagui ñimayi, qom ÿoqta 'eesa da lauotaxat. Cha'ayi ñimayi maichi qomi' da'aqtaxaatapeguema co'ollaxa da 'eetega ÿataqta llalec ñi Dios.

Mateo 27:40

Nachi 'eeta': –'Am mayi qonetega co'ollaxa da 'anlaxajñi añi n'onaxanaxaqui late'edai, ime, nachi qaltaq 'an'oxooshiguem, tres na'axa'te nachi 'aumat. Qaq nagui maichi 'anca'alaxajla't qome. Qom ÿoqta 'eesa da 'am llalec ñi Dios, qaq 'aunoteeguesop qome na 'am qaiuaxaata'aguet.

Mateo 27:14

Qalaxayi so Jesús sa ishit da ÿasat. Qaq ÿoqo'oyi so nta'a huo'o da l'aalaxa, nachi ÿataqta sa ÿaÿaten ca 'eetec.

1 Pedro 2:23

Qataq co'ollaq qaishiueetac, qalaq sa ishit da ÿi'iguelaxata'aguet da nshiunaguec, qataq co'ollaq qaÿauo'o da nque'ejnaxac, qalaq sa ishit da dadenaxaatac. Chaqdata da ipa'axano'ot ñi Dios mayi sa ishit da depe'enaxan da nmit ca nasouaxashit.

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Mateo 26:62

Nachi nachajñi so lta'a na lataxala'pi na ntaxaÿaxanaxanecpi, nachi 'enapega so Jesús, 'eeta': –¿Tá'ainco' yi sa 'auasat? ¿Huá'ague ca 'eetec da n'aqtac mayi 'am qaÿasaxalec?

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,