Mateo 26:56 - Nuevo Testamento Toba Sur

⁵⁶ Qalaxayi 'enauac de'eda qau'ochi damayi, yaqto' ipacchigui dam ÿiyiñi co'ollaxa da l'aqtaxanaxanecpi ñi Dios. Nachi soua lapaxaguenataqa n'onaxatchiguilo somayi. Nachi datadeec.

Nuevo Testamento Toba Sombrero Negro

⁵⁶ Qalaĝaja yema da'me dojo' ami di'yoĝoma qaedi yepaque'teguelo daa'me jo'ne joote 'yaĝatetedac dia'me Dios 'laqataĝanaĝanaqa ca'li qoyedidiñe gaa'me ledii's. Qama'le ena'uaque jogaa'me lapaĝaguenataqa queda'ae nataq'aen yegue'm ñe'me Jesús qama'le dajodegue.

La'aqtaqa Ñim Lo'onatac 'Enauacna 2013

⁵⁶ Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Mateo 26:56 Referans Kwoze

Juan 16:32

Qalaxayi nagui mashi ivita yi laloqo', qaq nachina nagui na huetoigui, da qami' qanlagaxachiitac qome, ñi 'oonolec maichi ÿoiqueetac ca dataigue, nachi aÿim qaualachiÿa'a't qome. Qalaxayi aÿim sa ishit da aÿim 'oonolec, cha'ayi ñi ita'a aÿim hueta'aguet.

Mateo 26:31

Nachi so Jesús 'enapeco': –'Enauac da qoñiita aÿim qaualachiÿa'a't na pe. Cha'ayi nachi 'enapec naua ñiyigui'shi l'aqtaqa ñi Dios, mayi 'eeta': “Salauat qome ñim ilotague' ana qagueta, nachi ana qaguetapi qome nlagaxattac.”

Mateo 26:54

Qalaxayi da nachi 'eetec de'eda, qaq ¿huá'ago' da ishit da ipacchigui cam 'enapec naua ñiyigui'shi l'aqtaqa ñi Dios, mayi i'axa't co'ollaxa da nachi qoÿiitec de'eda?

2 Timoteo 4:16

Se'eso na'a'q co'ollaq chita'ague da so'ot so hua'auchiguiñi itaxaÿaxac da setaxaÿapegue' na nta'alpi, qalaq 'enauac da aÿim qaÿalata'a't, qaica ca aÿim nachaateu'a da aÿim detaqlec. Qalaxayi 'onaxaic da ñi Dios sa ishit da ilogui qome de'eda.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Mateo 26:24

Qalaxayi ne'ena shiÿaxaua llalec, namayi ÿataqta quetegue dam lliquiaxac mayi i'axat naua ñiyigui'shi l'aqtaqa ñi Dios. Qalaxayi ¡ÿataqta choxodaxaso' ñim shiÿaxaua mayi ÿaneuo namayi! Ñi mayi 'onaxáictaxa co'ollaxa da sa ishit da ñiguiñi.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Mateo 21:42

Nachi so Jesús 'enapeco': –¿Qami' peta'a sa ÿauanapego' da qautaxaÿaxañi' naua ñiyigui'shi l'aqtaqa ñi Dios? Mayi 'eeta': Ca coma' mayi i'otan nam noÿic l'opi, nachica nagui cam nllañi ca noÿic. Qaq damayi chigoqchigui da i'ot ñi qadataxala'. Qaq damayi ÿataqta qaica ca 'en'am ñaqashinaq da lli'oxoyic.