Mateo 26:38 - Nuevo Testamento Toba Sur

³⁸ Nachi 'enapegalo' soomayi, 'eeta': –Añi iquiyaqte ÿataqta daquico. Huotaique da yalauat da ÿaquicoxo. Qaq qoviita'a qome ne'ena, qataq sa ishit qome da qau'ochii.

Nuevo Testamento Toba Sombrero Negro

³⁸ Qama'le enaac: —Yataqachiñe jayem totelegue: nomeguet da'me leleuaĝa jena'me yeuel. Ovi'ta jena'me jenjo', nataq'aen ena'te anaĝayañe da'me adevitaĝaqui.

La'aqtaqa Ñim Lo'onatac 'Enauacna 2013

³⁸ nache 'enapegalo' soomaye, 'eeta': «Aỹem ỹataqta ỹaguec da ỹaquicoxo, qataq ñanomteguet da saỹa'a da seleu, qoviita'a qome ne'ena, qataq saishet qome da qauo'oche.»

Mateo 26:38 Referans Kwoze

Juan 12:27

Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Romanos 8:32

Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Marcos 14:34

Nachi 'enapeco': –Añi iquiyaqte ÿataqta daquico, nomteguet da l-leuaxa. Qaq qami' qoviÿa'a qome ne'ena, sa ishit da qau'ochii.