Mateo 25:45 - Nuevo Testamento Toba Sur

⁴⁵ Nachi ne'ena nta'a 'enapec qome: “Ÿataqta 'eesa de'eda qami' sa'axatema, da 'enauac nam sa ishit co'ollaxa da qau'ochiic ca 'oonolec ne'ena saq 'amaqtaqpi, qaq nataq'en aÿim sa ishit da huo'o ca aÿim qau'ochiic.”

Nuevo Testamento Toba Sombrero Negro

⁴⁵ Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne ja a'vichiyeque naa'me naajo' yaqaya'olqa 'me 'najode' qama'le nach'ayem jo'ne ja jayem 'te a'vichiyec da'me dojo'.

La'aqtaqa Ñim Lo'onatac 'Enauacna 2013

⁴⁵ Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»

Mateo 25:45 Referans Kwoze

Hechos 9:5

Nachi so Saulo denataxan, 'eeta': –'Am ÿataxala', ¿négue't 'am? Nachi se'eso nvilÿaxac qataq 'enapeco': –Qomyi nachaÿim Jesús, nachaÿim mayi aÿim 'aucaatac. 'Am 'eeta'am da maichi 'anque'emaqchittapeguela't, qoneta'am da 'eetec ca nauegaxanaxala' huaca da maichi ÿasottapeeguet aca n'adaxanaqte.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 10:41

Qaq cam ÿaconguet cam l'aqtaxanaxanec ñi Dios, qaq cha'ayi camayi lamaxashic ñi Dios, nachi camayi ÿaconguet cam nshiitenaguec mayi 'eeta'am qanqoÿin aca nshiitenaqte cam n'aqtaxanaxanec. Qaq cam ÿaconguet ca no'on shiÿaxaua, qaq cha'ayi camayi no'on, qaq camayi da qaishiiten, nachi 'eeta'am qanqoÿin aca lashiue cam no'on shiÿaxaua.

Mateo 25:44

Nachi namayipi 'enapec qome: “'Am qadataxala', ¿chi láguio' co'ollaxa qaq 'am seloqta'a da 'auqouat, huo'otaq da 'aulem na 'adaquip, huo'otaq da 'eeta'am da ÿaqa'a ca 'auachigaqa'ague, huo'otaq da qaica ca 'ogoxot, huo'otaq da 'am sa no'on, huo'otaq da 'am qaicoñittai', nachi sa ishit da 'am setauanaq?”

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

1 Corintios 8:12

Qaq da nachi qoñiitec de'eda da qauque'emaqchichi da ntounaxac ca qadqaÿa mayi qaica ca l'añaxac da lpi'iÿaxac, qaq 'en'am da nachiso so Cristo qauque'emaqchichi.