Mateo 25:41 - Nuevo Testamento Toba Sur

⁴¹ Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Nuevo Testamento Toba Sombrero Negro

⁴¹ “Chane'eja nach'e ena'am jenapegalo qomle gaa'me jo'ne neteda'ague jena'me 'ñemaq: «¡Jayem oquiya'ae! Ami jo'ne ja ami 'te qoyichoĝode'n nayi, auec'achiya di'me dole' jo'ne ja 'naidena'a 'me ami qoyaqataĝat'agueta ñe'me payac nataq'aen jogaa'me lamaĝa's jo'ne piyem laje'.

La'aqtaqa Ñim Lo'onatac 'Enauacna 2013

⁴¹ Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Mateo 25:41 Referans Kwoze

2 Pedro 2:4

Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

2 Ts 1:9

Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

Mateo 13:42

Ime, nachi namayipi ÿasaxangui qome aca laÿi' na nodec. Huaña, nachi noÿiitac qataq ÿataqta inaga't naua lhue da nqui'ic.

Mateo 13:40

Qaq de'eda 'eetec aso huoue da qalapona't, nachi qaÿasaxangui so nodec da qaÿavigaxat, damayi nachida da 'eetec qom ivita ca loga't ana 'alhua.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Mateo 7:23

Qalaxayi aÿim shinapega qome, shiita': “Sa ishit da qami' sauatto'n. Aÿim qoquiÿa'ai, qami' mayi qau'ochiitac na sa ÿaÿamaxañi.”

Mateo 3:12

Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Hebreos 6:8

Qalaxayi que'eca 'alhua da huo'otaq ñaxajlec ana ÿaxat qataq ana huoue, nachi camayi ÿataqta qaica ca naigui, taÿa'a da ÿauo'o ca nhuaxanaguec naq'en ñi Dios, qataq taÿa'a da qaÿavigaxat.

Mateo 13:50

Nachi na qauemaicpi ÿasaxangui aca laÿi' na nodec. Huaña, nachi noÿiitac qataq ÿataqta inaga't naua lhue, souaxat da nqui'ic.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.

Lucas 16:24

Nachi i'alaq, 'eeta': “'Am ita'a Abraham, aÿim 'auchoxoden qome. Ña 'anamaq na Lázaro, da yaqto' ipet na llaxaata lshiinec ca 'etaxat da ipet na ÿachaxat, ten ÿapacteec da ñique'ejnaxac da sootangui ne'ena nodec.”

Lucas 13:27

Qalaxayi camayi qami' 'enapegalo, 'eeta': “Aÿim mashi qami' shinapegalo da aÿim sa saÿaten ca qauachigoqoita'ague. Aÿim qoquiÿa'ai 'enauac da qoñiita, 'enauac qami' mayi qau'ochiitac da sa ÿaÿamaxañi.”

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Mateo 18:8

Qaq ÿoqo'oyi na 'adhuaq huo'otaq na 'adchi da ÿauo'o ca 'adasouaxashit, qaq no'on da 'auchigueec, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, nai'ctaxa da 'oonolec na 'adhuaq qataq na 'adchi, qalaxayi saq 'en'am da 'am qaÿasaxangui ca nodec da 'adÿaueeguelo naua 'adhua'q qataq naua 'adchil.

Mateo 5:22

Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Mateo 25:42

Cha'ayi aÿim co'ollaxa huo'o na ÿoqouaxa, qalaq qami' sa ishit da aÿim qauqui'axañi; qataq huo'o na ÿaquip, qalaq qami' sa ishit da aÿim qanÿomaxañi;

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.