Mateo 25:40 - Nuevo Testamento Toba Sur

⁴⁰ Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Nuevo Testamento Toba Sombrero Negro

⁴⁰ Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

La'aqtaqa Ñim Lo'onatac 'Enauacna 2013

⁴⁰ Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 25:40 Referans Kwoze

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

Marcos 9:41

Cha'ayi ca camachicague't da huo'otaq qami' ÿanema ca nai'ctaxa da saq 'amaqtaq 'etaxat, qaq souaxat da qami' lalamqa'te na Cristo, nachi camayi ÿataqta huo'o da nshiitenaguec.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Mateo 10:40

Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Efesios 5:30

cha'ayi maichi lalamaxat l'oquiaxac. Qaq nachiqomi' mayi qomi' l'oquiaxac, 'eeta'am da qomi' lapa'chi qataq lpi'inqa.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

Mateo 28:10

Nachi so Jesús 'enapegalo soomayi, 'eeta': –Sa ishit qome da qayi'ii. Chaqdata da qoquii, qau'aqtaxañiim qome ca ÿaqaÿañicpi, da yaqto' taigue da Galilea. Huaña qome yimayi, nachi aÿim nauane'.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

2 Corintios 4:5

Qataq da sa'aqtaxanaqtac, qalaq sa ishit da maichi ñi'aqtaxanaqtapeguela't. Chaqdata da qomi' sa'axataqtac so Jesucristo da nachiso so qadataxala'. Qataq ñi'axataqta da chochi qomi' qadlataqalli', souaxat da lsoxoyic so Jesús.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Mateo 25:39

¿Huo'otaq da 'am seloqta'a da 'am sa no'on, huo'otaq da 'am qaicoñittai', nachi 'am ñoqo'onaxau'a?”

Mateo 25:45

Nachi ne'ena nta'a 'enapec qome: “Ÿataqta 'eesa de'eda qami' sa'axatema, da 'enauac nam sa ishit co'ollaxa da qau'ochiic ca 'oonolec ne'ena saq 'amaqtaqpi, qaq nataq'en aÿim sa ishit da huo'o ca aÿim qau'ochiic.”

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.