Mateo 25:31 - Nuevo Testamento Toba Sur

³¹ Qaq qom ivita da ñi'iguelaq na shiÿaxaua llalec da nta'a, nactaigui 'enauac na lamaxashic piguem l'ecpi, nachi nso'oongui aca nso'onaxaqui mayi ÿi'oxodaq da nta'a.

Nuevo Testamento Toba Sombrero Negro

³¹ “Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

La'aqtaqa Ñim Lo'onatac 'Enauacna 2013

³¹ Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Mateo 25:31 Referans Kwoze

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Mateo 19:28

Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Judas 1:14

Nataq'en so Henoc som huetoigui da siete nqochin na llalaqpi so Adán, somayi i'axata'a namayipi co'ollaq i'aqtaxanaxan ñi Dios, 'eeta': “Aÿim sauaateguet ñi qadataxala' nnaictague' som chalcata mil nam lalamaxatpi,

Juan 1:51

So Jesús nataq'en 'enapeco': –Ÿataqta 'eesa de'eda qami' sa'axatema nagui, da qami' qauloÿa'a qome na piguem qom qanauatoigui, nachi na namaxashic piguem l'ecpi taÿashiguemecda, qataq da naÿaña na shiÿaxaua llalec.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

Apocalipsis 20:11

Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

Marcos 14:62

Nachi so Jesús 'enapeco': –Aja', nachaÿim. Qaq qami' qome qauloiÿa'a ne'ena shiÿaxaua llalec da nso'oota'ague da aloic ñi Dios mayi 'añaxaic, qataq qom ñi'iguelaq, nactaigui na l'oc mayi hueto'ot na piguem.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Hebreos 1:8

Qaq da n'aqtaguec so llalec, qalaq ñi Dios 'eeta': Añi 'anso'onaxaqui da 'am nta'a, 'am Dios, añimayi qaica ca loga't; qataq da 'ad'onataxanaxac da 'am nta'a, damayi ÿataqta ÿaÿamaqchiguiñi.

1 Ts 4:16

Cha'ayi 'eeta': som qadataxala' Jesús qom huonoteeguesop na piguem, da nactaigui da 'ico' lamaxasoxonaxac ca nta'a, qataq nactaigui da lÿaxanaxac ca lataxala' na chigaqshiguem Dios lamaxashicpi, qataq da l-lamaxa ana nashiide qom qaÿashiidaxaalecna naq'en ñi Dios. Qanachi na ileutañi' da i'amaqten so Cristo, nca'aleec qanqoÿin.

Hechos 1:11

Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

Lucas 22:69

Qalaxayi nagui na shiÿaxaua llalec sogote da nso'oota'ague da aloic ñi Dios mayi qaica ca ÿaqalanapec.

Mateo 25:6

Qaq co'ollaq mashi laiñi na pe, nachi qai'axaÿa so nÿaxanaxac, 'eeta': “¡Mashi nvi' na adonaq, ña qanpa'aiuec, qauqachiÿa'aguet!”

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.