Mateo 25:30 - Nuevo Testamento Toba Sur

³⁰ Qaq dam da' nlatac mayi qaica ca taiguet, damayi qauasaqaiuga na napalaxa da pa'auec. Huaña qome, nachi noÿiitac, qataq ÿataqta inaga't naua lhue da nqui'ic.”

Nuevo Testamento Toba Sombrero Negro

³⁰ Qama'le jenjo' namaĝajec jo'ne qolanaqaic, auamaqayoue ga'me p'aye 'me 'lalaĝa. Ua'a da'me ya'uo da'me lachitataic choqoda'me noyenaĝac.”

La'aqtaqa Ñim Lo'onatac 'Enauacna 2013

³⁰ Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

Mateo 25:30 Referans Kwoze

Mateo 8:12

Qaq nam ÿoqta qaÿauotaiquéctaxa da inoxoneu'a que'eca n'onataxanaxac mayi hueta'ague da piguem, namayipi qome qaÿamaxauga ca napalaxa na pa'auec. Huaña, nachi noÿiitac, qataq inaga't naua lhue da nqui'ic.

Mateo 22:13

Nachi so nta'a 'enapega nam ilotague'pi so nqui'axala', 'eeta': “Ñi'iñi shiÿaxaua qaucoñiyiÿa't qome naua lchil qataq naua lhua'q. Ime, nachi qauasaqaiuga na napalaxa da pa'auec, yim huaña qome da noÿiitac qataq ÿataqta inaga't naua lhue da nqui'ic.”

Mateo 13:50

Nachi na qauemaicpi ÿasaxangui aca laÿi' na nodec. Huaña, nachi noÿiitac qataq ÿataqta inaga't naua lhue, souaxat da nqui'ic.

Judas 1:13

Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

Juan 15:6

Qaq cam sa ishit da aÿim n'attau'a, nachi camayi qaÿasaxauec, nachi daqaqa, 'eeta'am ana lcouepi mayi qalaÿona't, nachi qaÿasaxangui ca nodec da qaÿavigaxat.

Lucas 13:28

Huaña, nachi qami' qanoÿiñiitac qome qataq qauanaquiÿa't naua qadvilli' souaxat da qadalemataiqui qom qauloiÿa'a ca Abraham, Isaac, Jacob qataq 'enauac som l'aqtaxanaxanecpi ñi Dios, qom qanayiuta'a ca l'onataxanqa' ñimayi. Huaña, nachi qami' qaÿamaqdauec.

Mateo 24:51

Nachi ÿataqta qaica ca 'en'am naq'en ca nhuaxanaguec, 'eeta'am, naq'en da nhuaxanaguec nam 'eetegapi da 'eesa. Huaña, nachi noÿiitac, qataq ÿataqta inaga't na lhue da nqui'ic.

Mateo 13:42

Ime, nachi namayipi ÿasaxangui qome aca laÿi' na nodec. Huaña, nachi noÿiitac qataq ÿataqta inaga't naua lhue da nqui'ic.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

2 Pedro 2:17

Ne'ena shiÿaxauapi 'eeta'am aca ñi'illoxoqui mayi qaica ca l'ec 'etaxat, qataq 'eeta'am ca l'oc mayi chochi ÿachitac na l'at. Namayipi taÿa'a da qaicoñida'aguet cam chochaq tateec napalaxa.

Mateo 5:13

Qami' qoñiita'am ca toue mayi iuen nam huetalec ana 'alhua. Qalaxayi ca toue, da huo'otaq imeuo na lli'iuaxa, qaq ¿ishit peta'a da qaltaq ÿi'iguelaxalec da no'on? Camayi nachi sa ishit da huo'o ca taiguet. Chaqdata da qaÿasaxauec, qataq chochi pigui nam shiÿaxauapi.

Mateo 3:10

Aca qachipe mashi sogote imetai' da iquesoxoñot ana qo'ipaqpi. Qaq 'enauac anam qo'ipaqpi mayi sa ishit da no'on ana ala, nachi anamayi qaiquesoqot. Ime, qaq qaÿasaxangui ca nodec.