Mateo 25:25 - Nuevo Testamento Toba Sur

²⁵ Qaq ÿoqo'oyi aÿim huo'o da icolanaxa. Nachi aÿim soxojñi aso 'om, soxotoigui na 'alhua. Qalaxayi 'ana anamayi, cha'ayi 'adalamaqte.”

Nuevo Testamento Toba Sombrero Negro

²⁵ Qama'le queda'me am jo'oyapega, joĝochiñe jaga'me talento, jijenoue jena'me aleua, nayi janjo' jana'me mach'e adoqote.»

La'aqtaqa Ñim Lo'onatac 'Enauacna 2013

²⁵ Qaq ỹoqo'oye aỹem huo'o da icolanaxa, nache aỹem soxooñi ana 'om soxotoigui na 'alhua, qalaxaye 'ana ana mil maye 'om, 'am she'eguelaxatem anamaye ỹataqta nalota't.»

Mateo 25:25 Referans Kwoze

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Mateo 25:24

Qalaxayi co'ollaq nvideuo so nlatac mayi ÿaconguet co'ollaxa aso mil, nachi somayi 'enapega so n'aco', 'eeta': “'Am ñi'aco', aÿim saÿaten da ÿataqta 'am saq llivigui yi 'adhuel da 'anqat na ala ca saq 'anguishic, qataq da 'alapon cam saq 'adchigoxoshic.

Mateo 25:26

Nachi se'eso 'aco' 'enapeco': “'Am nlatac qauemaic qataq hualaic. ¡'Am 'auaÿateetac mque' co'ollaxa da aÿim ishit da ñaqat na ala ca saq ÿanguishic, qataq da llapon cam sa ishit da ichigoxoshic!