Mateo 25:23 - Nuevo Testamento Toba Sur

²³ Nachi so n'aco' 'enapeco': “Aja', ÿaÿamaqchiguiñi, ÿataqta 'am no'on nlatac, qataq ÿataqta 'aupactelec cam 'au'ot. Qaq cha'ayi 'aupactelec da 'au'ot cam saq 'amaqtaq, qaq nagui lta'adaic qome ca 'am sepataxalec da 'aulo'ogue. Nataq'en 'am nagui 'aupa'auo qome da aÿim 'antonaxaua.”

Nuevo Testamento Toba Sombrero Negro

²³ Ñe'me lejaliaĝanec enaac: «¡Yataqachiñe 'noota da'me at'onatac nataq'aen am yataqatelegue! Qama'le queda'me a'nañaĝatela't da'me aue'et ga'me jaleca, nayi jalcote ga'me am jepotaneguet. ¡Ayala, anec'ata ñe'me adejaliaĝanec qaedi am ñetonaĝaua!»

La'aqtaqa Ñim Lo'onatac 'Enauacna 2013

²³ Nache se'eso ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

Mateo 25:23 Referans Kwoze

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

Mateo 24:45

¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

Mateo 24:47

Qaq ÿataqta 'eesa de'eda qami' sa'axatema da que'eca n'aco' ishit da ipataxalec camayi 'enauac nam lalamaxatpi.

Lucas 16:10

Cam 'onaxaic da n'aqtaguec souaxat cam saq 'amaqtaq mayi ilotague', qaq nachi 'en'am no'on da n'aqtaguec da ilo'ogue ca qalota; qaq cam qauem da n'aqtaguec da ilotague' cam saq 'amaqtaq, qaq nachi 'en'am qauem da n'aqtaguec da ilo'ogue ca qalota.