Mateo 25:13 - Nuevo Testamento Toba Sur

¹³ Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Nuevo Testamento Toba Sombrero Negro

¹³ “Chane'eja 'noota qom a'vicheta't, qa'a ja auayachiñe ga'me nolo' uotaĝa ga'me laloqo' da'me yitaĝa 'ñiyelaq.

La'aqtaqa Ñim Lo'onatac 'Enauacna 2013

¹³ Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Mateo 25:13 Referans Kwoze

1 Ts 5:6

Ÿoqo'oyi sa ishit da 'ico' so'ochaqtañi, se'enaxataqtapeguem na sa da'amqajnataxan. Chaqdato' da ñiloqteec, qataq seloqtegue da qoyiquiaxac.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Mateo 24:50

Nachi se'eso n'aco' ñi'iguelaq so na'a'q mayi sa ishit da ÿauotaique se'eso l-latac, qataq som laloqo' mayi sa ishit da ÿaÿaten.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

Mateo 25:12

Qalaxayi somayi 'enapeco': “Aque', qami' sa sauatto'n.”