Mateo 25:1 - Nuevo Testamento Toba Sur

¹ Nachi de'eda l'onataxanaxac ñi Dios mayi neta'ague da piguem, damayi 'eeta'am qome caua diez qa'añole mayi ÿaconalo soua lcoÿadaxanaxaqui' mayi lca'atoxo't na aceite. Nachi nqo'ooda so nadonaxac, da yaqto' huaqatra'aguet ca adonaq.

Nuevo Testamento Toba Sombrero Negro

¹ “Chane'eja da'me lejaliaĝa joñe'me Dios jo'ne na'ague di'me piyem ena'ama gaa'me diez q'añolel jo'ne yaconalo gaa'me lecoyadaĝanaqatel qaedi yeviteteda'aguet ñe'me nojaĝaua.

La'aqtaqa Ñim Lo'onatac 'Enauacna 2013

¹ De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Mateo 25:1 Referans Kwoze

Apocalipsis 19:7

Ÿataqta samaqchiguiñi, ñitonaqtapigui', qataq shi'oxodenaq ñimayi, cha'ayi mashi ivita yi laloqo' da huadon ñi qagueta llalec. Añi lhua mashi sogote da naÿamaxattai',

Apocalipsis 21:9

Nachi anac so 'oonolec so siete namaxashicpi mayi lasoqta'a asom huetaguipi som pa'ateec nhuaxanaxanaxacpi. Nachi aÿim 'enapega, 'eeta': –Ña 'ayala, ñaq 'am sachaxana añim nauonaxaua mayi huotaique da lhua ñim qagueta llalec.

Apocalipsis 21:2

Qaq aÿim Juan sela'aguet so dalaxaic la ciudad Jerusalén. Somayi ÿataqta qui'itta, chigaqshiguem, chigoqo'ot ñi Dios. Mashi sogote da 'enauac imeta, 'eeta'am da n'otaxac aca qa'añole da mashi huotaique da huadonguet ca nauonaxaua.

Juan 3:29

Da huo'otaq huo'o ca nadonaxac, qaq cam ÿataqta huadonguet aca auonaxaua, nachica cam nauonaxaua. Qaq cam nhuataxaua que'eca auonaxaua, camayi qanayiuta'aguet, nachi ishit da n'axaÿaxaatac, nachi camayi ÿataqta machiguiñi da hua'aqtac. Qaq nachi 'eetec nataq'en nagui aÿim ÿataqta aÿim nlaqchigui da ñitonaxac.

Mateo 13:24

So Jesús ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am ca shiÿaxaua mayi ÿataqta no'on aca languishi mayi ÿaalec ca n'alhua.

Apocalipsis 14:4

Qaq somayipi nachiso som sa ishit da ÿauana aca 'alo, qaq ÿataqta qui'itta. Qataq somayipi nachi ca'attapiguiñi' som qagueta llalec cam dataigue. Somayipi qaÿachigoxottaigui co'ollaxa na shiÿaxauapi mayi huetalec ana 'alhua da qanca'alaxateec, 'eeta'am qanqoÿin aca l'auaxana nachitaqtaxanaqte da qoÿanot ñi Dios qataq so qagueta llalec.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Mateo 22:2

–Da l'onataxanaxac ñi Dios mayi neta'ague da piguem, damayi 'eeta'am ca nta'a mayi i'ot ca lqui'axac da deque'elec ca ladonaxac ca llalec.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Mateo 13:47

Nataq'en da l'onataxanaxac ñi Dios mayi neta'ague da piguem, damayi 'eeta'am ca naleguec mayi qaÿalliguingui aca auaxai, nachi ÿataqta ÿalecta't nam lalliiguishic nÿaqpi.

Mateo 13:38

Qaq som nanaxanqa', qalaq nachana anam souaqtalec 'alhua. Qaq aso nanguishi mayi ÿataqta no'on, qalaq nachina nam shiÿaxauapi mayi huetaigui da l'onataxanaxac ñi Dios. Qaq aso huoue mayi 'eeta'am na trigo, qalaq nachina nam quetague' so shiÿaxaua lma'na.

Apocalipsis 4:5

Qaq asa'aso so'onaxaqui chigoqtapegueu'a na nqashilgaxa, nlamaxa, qataq na nalataxa. Qataq soua siete ncoÿadaxanaxaqui', na l'edaxa 'eeta'am na nodec. Qaq soomayi nachisoua soua siete saq cha'alo mayi chigoqo'oto ñi Dios.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

Mateo 9:15

Nachi so Jesús 'enapeco': –¿Peta'a ishito' da ÿaatañi ca lasouaxaqui cam qaicoyiguen da ÿalectau'a cam nadonaxac da huo'otaq ña qaÿalecta'aguet ca auonaxaua? Qalaxayi huo'o ca na'a'q da ivita da qanqat ca auonaxaua, huaña, nachi ishit da nqouaqchit camayipi.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Hechos 20:8

Qaq se'eso qalaponaxac huashiguemec so pa'atchiguem noÿic, ÿataqta qalota ana coÿadaxanaxaquipi 'ettaigui.

Mateo 13:31

So Jesús nataq'en ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ala ana l'enaxat mostaza mayi ÿacona ca shiÿaxaua da ÿaalec ca n'alhua.

Mateo 25:7

Nachi 'enauaque se'esoua qa'añi ñiyishigue'm, nachi ÿaÿamaxajyiñi soua lcoÿadaxanaxaqui'.

Juan 18:3

Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi.

Apocalipsis 8:10

Qataq so lÿa namaxashic can ÿashiiyigui aso lashiide, nachi najñi aso late'edai huaqajñi. Asomayi 'ettaigui, 'eeta'am ana ncoÿadaxanaxaqui. Qaq asomayi tachiguingui añi 'oonole naua tres tala, qataq anam npaxaatashiguempi na l'ec.