Mateo 24:9 - Nuevo Testamento Toba Sur

⁹ Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Nuevo Testamento Toba Sombrero Negro

⁹ “Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

La'aqtaqa Ñim Lo'onatac 'Enauacna 2013

⁹ Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.

Mateo 24:9 Referans Kwoze

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

Apocalipsis 7:14

Nachi aÿim shiita': –Aque', 'am ÿataxala', 'am mayi 'auaÿaten. Nachi somayi 'eeta': –Qomyi ne'ena, nachina na chigoqtoigui da lta'adaic que'ejnaxac. Nachina na iÿoi' naua alogo qataq ÿataqta qui'itta, souaxat da deÿoxonalo naua ltago'q ñi qagueta llalec.

1 Pedro 4:16

Qalaxayi cam huo'o da nque'ejnaxac souaxat da quetague' so Cristo, qaq no'on da camayi sa ishit da ncoqtac. Chaqdata da ÿi'oxoden ñi Dios, souaxat da quetague' somayi.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Hechos 7:59

Qaq co'ollaq ña qaÿasaqtalec so Esteban, nachi somayi nqouagaxaueetac, 'eeta': –'Am ÿataxala' Jesús, 'auaconguet qome ñi shicapegue' iqui'i.

Lucas 11:49

Qaq ÿoqo'oyi ñim Dios mayi ÿajnaxanaxaic co'olloxochiyi 'enapeco': “Samaxaña qome namayipi ca i'aqtaxanaxanecpi qataq ca ÿamaxashicpi, qaq yimayipi huo'o qome ca ÿalauat, qaq ca laÿipi qalaq icaatac.”

Mateo 23:34

Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

Mateo 22:6

qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.

Juan 15:18

Nam shiÿaxauapi mayi huetalec ana 'alhua da qami' nquiÿalo, qalaq qami' qauaÿajñi da aÿim mayi aÿim l'auaxanec da aÿim nquiÿa.

Juan 15:21

Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.