Mateo 24:7 - Nuevo Testamento Toba Sur

⁷ Cha'ayi ca qompi maichi delogui' ca sa lauo' l'ecpi, qataq ca nta'a maichi delogui' ca lÿa nta'a. Qataq huo'o ca nqouaxa qataq naua nalolaxaco, qataq qalota na 'alhuapi na huo'o na nacholaxanaxa.

Nuevo Testamento Toba Sombrero Negro

⁷ Qama'le ga'me noic delo'ye' ga'me noic laqaya, nataq'aen gaa'me nejaliaqa'te deloiquitapega't. Nataq'aen 'uo da'me noqouaĝa, nataq'aen qayoĝode' gaa'me ale'u lael deda'tape.

La'aqtaqa Ñim Lo'onatac 'Enauacna 2013

⁷ Cha'aye na lta'alpi nam ỹotta'a't shiỹaxauapi delogui' qome ca lỹa nta'a, nache na shiỹaxauapi qaica ca aloq, nache huo'o qome ca nqouaxa qataq qalota na 'alhuapi na huo'o na nacholaxanaxa.

Mateo 24:7 Referans Kwoze

Lucas 21:11

Qataq huo'o qome ca nacholaxanaxa naua pa'aiguelo naua laÿil ana 'alhua qataq ca nqouaxa. Qataq huo'oi qome naua nalolaxaco naua 'ale'u. Qataq huo'oi qome naua lta'al n'anqa na piguem qataq huo'o ca qaila'a qaica ca 'en'am da lchic.

Apocalipsis 6:8

Qaq samata'a, nachi sela'a so lÿa caaÿo qoñoxoic. Qaq som netalec l'enaxat nleuaxa. Qaq so nca'attauo, somayi nachiso so lqui'i cam laponqa' na leuaxaicpi. Nachi se'eso nleuaxa qoÿami' da l'añaxac, da yaqto' ÿalauat ñi 'oonolec na cuatro shiÿaxauapi na huetalec ana 'alhua, da idolec ca alaataxac, qataq ca nqouaxa, qataq na nalolaxa, qataq nam shiguiÿacpi dequi'iÿapec mayi huetalec ana 'alhua.

Hechos 11:28

Qaq huo'o so 'oonolec soomayi, l'enaxat Agabo. Somayi nachajñi co'ollaq huetaigui so nqaÿañicpi, nachi so Espíritu Santo i'aqtaxanaxanec somayi da huo'o qome ca lta'adaic nqouaxa ana 'alhua. Qaq de'eda l'aqtaxanaxac ipacchigui, huetoigui so na'a'q co'ollaq lta'a na nta'alpi so l'enaxat Claudio.

Apocalipsis 6:12

Qaq se'eso qagueta llalec can qaltaq nqat aso lÿa n'anaxanaqte, qaq samata'a, nachi huo'o so lta'adaic nacholaxanaxa. Qaq aso nala' nachi 'om, qaq ÿataqta napanñi. Qaq so ca'agoxoic qalaq ÿataqta 'eeta'am na ntago'q na ltogaxa.

Hebreos 12:27

Qaq da naigui da 'eeta': “Aÿim qaltaq shi'iguelaxalec,” damayi naigui da qanqat qome 'enauac na ishit da qaÿayigot mayi maichi l'onatacpi ñi Dios, huaña, nachi n'oichigui nam sa ishit da qaÿayigot.

Hechos 2:19

Qataq sacho'ot na piguem da sachaxan ca ishit da i'ot da n'aalaxa, qaq ana 'alhua sauo'o na n'anecpi: ntago'q, nodec, nchaxa lta'adaic.

Apocalipsis 6:5

Qaq se'eso qagueta llalec can qaltaq nqat aso lÿa n'anaxanaqte, nachi qaltaq sa'axaÿa so lÿa shiguiÿac, 'eeta': –¡'Ayala, ña 'ameten! Qaq samata'a, nachi sela'a so lÿa caaÿo laidaxaic. Qaq so netalec somayi lasoqta'a aso naloqnaxanaxaqui.

Apocalipsis 6:6

Nachi sa'axaÿa so n'aqtac chimaxangui na laiñi soua shiguiÿac, 'eeta': –Ca un kilo na trigo naÿa'aguet qome aca lashiue ca shiÿaxaua da do'onataxan yi 'oonolec na'a'q, qataq tres kilo na cebada. Qalaxayi sa ishit qome da huo'o ca qon'ac na aceite qataq na lataxa.