Mateo 24:47 - Nuevo Testamento Toba Sur

⁴⁷ Qaq ÿataqta 'eesa de'eda qami' sa'axatema da que'eca n'aco' ishit da ipataxalec camayi 'enauac nam lalamaxatpi.

Nuevo Testamento Toba Sombrero Negro

⁴⁷ Eja da'me ami ja'aĝatema queda'me qom naq'aeta, qama'le ñe'me ladipa en yelolegue yema ga'me chiyaqayi da'me liyamaĝac.

La'aqtaqa Ñim Lo'onatac 'Enauacna 2013

⁴⁷ Qaq ỹoqta 'eesa de'era qami' sa'aqtaxanema, da que'eca 'aco' ipataxalec 'enauac nam lalamaxatpi camaye.

Mateo 24:47 Referans Kwoze

Mateo 25:23

Nachi so n'aco' 'enapeco': “Aja', ÿaÿamaqchiguiñi, ÿataqta 'am no'on nlatac, qataq ÿataqta 'aupactelec cam 'au'ot. Qaq cha'ayi 'aupactelec da 'au'ot cam saq 'amaqtaq, qaq nagui lta'adaic qome ca 'am sepataxalec da 'aulo'ogue. Nataq'en 'am nagui 'aupa'auo qome da aÿim 'antonaxaua.”

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

Lucas 12:37

Ÿataqta huo'o qome da lamaxayic ca nlatacpi qom huo'otaq ca n'aco' ilalec camayipi da nlotauec qom ivita da nvi'. Qaq aÿim shinapec da que'eca 'aco' ishit da maichi huapegue' qome da nso'onaxanaxaañi camayipi da ÿataxaalec ca nqui'axala', ime, qaq nÿoxoshiguem ca nallic.

Lucas 12:44

Qaq aÿim shinapec da ÿoqta 'eesa da que'eca 'aco' ishit da ÿanagui camayi da ilo'ogue naq'en 'enauac nam hueto'otpi.

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

Apocalipsis 3:21

Qaq cam dauegaxan qome, nachi camayi sanem da huo'o aca nso'onaxaqui ca ñiso'onqa' da aÿim nta'a, da yaqto' 'eeta'am co'ollaq aÿim sauegaxan, nachi ñiso'ona'ai' ñi ita'a Dios.

2 Timoteo 2:12

da huo'o da qanque'ejnaxac, nachi 'en'am ñiuanaqhua'a qome da qailo'ogue 'enauacna. Da shinaqpec sa sauattonaq somayi, nachi 'en'am somayi 'enapec qomi' sa ÿauatto'n.

Lucas 19:17

Nachi so nta'a 'enapeco': “Aja', no'on, ÿaÿamaqchiguiñi, ÿataqta 'am no'on nlatac. Qaq cha'ayi ÿataqta 'aupactelec da 'au'ot dam saq 'amaqtaq mayi 'am qaipataxalec, qaq nagui sanagui da 'am nta'a da 'aulo'oguelo caua diez puebloyi.”

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Mateo 24:46

Qaq ÿataqta machiguiñi qome que'eca nlatac, da huo'otaq ivita da nvi' ca n'aco', qalaq ilalec da i'ottac cam qaÿamaxalec.

Mateo 24:48

Qalaxayi que'eca nlatac, da huo'otaq qauemaic, nachi 'eeta': “Ca ñi'aco' ÿataqta qaÿaloqteguet.”