Mateo 23:7 - Nuevo Testamento Toba Sur

⁷ Qataq nshitaique da qaiyaata da qaiquin da huangui na nqa'aic, qataq da qaÿamata'ac napaxaguenataxanaqpi.

Nuevo Testamento Toba Sombrero Negro

⁷ nataq'aen nale yec'adeta ga'me laeñi ga'me noic qama'le jetaque qo'nonaĝachiguilo nale qoyep'iye'n, nataq'aen jetaque qoyiyaĝanaĝatapec paĝaguenataĝanaĝayaqa.

La'aqtaqa Ñim Lo'onatac 'Enauacna 2013

⁷ Qataq ỹataqta ỹaỹamaxareeta da na shiỹaxauapi da huo'o naq 'enec da iquin da huaña ca menaqa', qataq da qaiỹaxana qalaq qoỹeeta' napaxaguenataxanaqpi.

Mateo 23:7 Referans Kwoze

Juan 1:38

Nachi so Jesús co'ollaq nqoilec, nachi ila'agueta soomayi da ca'attrauo, nachi inatta'pe, 'eeta': –¿Négue't ca qanmichiitaique? Nachi soomayi 'ena'po': –'Am mayi 'auapaxaguenataxaatac, ¿huá'ague ca qoneta'ague?

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Juan 20:16

Nachi so Jesús 'enapego' asomayi, 'eeta': –¡María! Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta': –¡Raboni! (Damayi naigui da 'eeta': 'Am napaxaguenataxanaq).

Juan 6:25

Nachi somayipi co'ollaq ivittague da le'ego aso lapel, nachi qailalec so Jesús. Nachi qainattac, qoÿiita': –'Am mayi 'auapaxaguenataxaatac, ¿chaq lágui co'ollaxa da 'anvitta ne'ena?

Juan 3:26

Nachi se'esoua nale't nqo'oodeu'a so Juan da qai'aqtaxanem, qoÿiita': –'Am mayi 'auapaxaguenataxaatac, ña 'aumeten da 'am hueta'aguet so lÿa na'a'q mayi hueta'ague da nala' lliguishiguem yim tala Jordán, dam qomi' 'au'axattapeguema co'ollaxa, damayi nagui dachilaxanataxaatac. Nachi 'enauac na shiÿaxauapi quetague'.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Marcos 10:51

Nachi so Jesús inattac somayi, 'eeta': –¿Négue't ca 'anshitaique da 'am so'otec? Nachi se'eso qanamaic 'enapeco': –'Am mayi 'auapaxaguenataxaatac, aÿim ñishitaique da ñauaañi.

Marcos 9:5

Nachi so Pedro 'enapego' so Jesús, 'eeta': –'Am mayi 'auapaxaguenataxaatac, ¡ÿataqta ÿaÿamaqchiguiñi da nachi souaqta'a ne'ena! Nachi so'ota'q caua qadma'chilli', 'oonolec ñaq'enaq ca 'adma', qataq da Moisés, qataq da Elías.

Mateo 23:8

Qalaxayi qami' sa ishit qome da qami' ÿamata'aque napaxaguenataxanaxayi na shiÿaxauapi. Cha'ayi 'enauac da qoñiita qami' nqaÿañicpi, qaq 'oonolec na qanapaxaguenaxala'ai, mayi nachina na nta'a nca'alaxaqui.

Mateo 11:16

¿Negue'tom cam saloqnaxanem nam shiÿaxauapi mayi huetaiguilo nagui ne'enaua na'axa'te mayi souaqtaiguilo? Qomyi 'eeta'am peta'a nam ñaqpiolec mayi hueta'a ca n'ashaqa', nachi i'alaxalec nam laÿipi, 'eeta':

Mateo 26:25

Nachi detaqa so Judas mayi nachiso so ÿaneuo, 'eeta': –'Am qadataxala', ¿peta'a nachaÿim? Nachi so Jesús 'enapeco': –Aja', nachi'am.

Mateo 26:49

Nachi somayi nqo'oneu'a so Jesús, nachi iquin, 'eeta': –¡La', 'am ÿataxala'! Nachi napigoqot.

Marcos 11:21

Nachi so Pedro tachigui lauel co'ollaxa da l'aqtac so Jesús, nachi 'enapego' somayi, 'eeta': –'Am mayi 'auapaxaguenataxaatac, ña 'aula'a adam higo lchiyic mayi 'anlaqtega caillayi, adamayi daqaqa.

Marcos 12:38

Qaq so Jesús co'ollaq ÿapaxagueetac so shiÿaxauapi, nachi 'enapeco': –Ÿataqta qadvichiÿa'a qome na dapaxaguenataxaatapeguec na nqataxacpi, cha'ayi namayipi ÿataqta nqopita da logodaiqa naua alogo, qataq nqopita da huo'otaq huetangui na nqa'aic nachi qaiyaata da qaiquin.

Marcos 14:45

Nachi somayi co'ollaq nvi', nachi nqo'oneu'a so Jesús. Nachi 'enapego', 'eeta': –'Am ÿataxala'. Nachi napigoqot.

Lucas 11:43

¡Ÿataqta choxodaxasodo' qami' mayi qaualliquiitaigui na fariseopi! Cha'ayi qami' qadqopitaxachi da qanso'oñiingui ana nso'onaxaqui nam ÿataqta ÿi'oxodaq añi laponaxaqui na judiopi, qataq da ÿataqta qami' qaÿi'oxode'n da qami' qaiqui'n da huangui na nqa'aic.

Juan 4:31

Nachi soua lapaxaguenataqa ÿoqopitaxaata'pe da nachoxodeetracot somayi, qoÿiita': –'Am mayi 'auapaxaguenataxaatac, ña cada'ac 'auque'e qome.

Juan 9:2

Nachi soua lapaxaguenataqa inatta'pe somayi, 'eeta': –'Am mayi 'auapaxaguenataxaatac, ¿chaq tá'ainco' ñi'iñi shiÿaxaua yi nacteueegue' da lqanamaxa? ¿Peta'a souaxat da huo'o ca lasouaxashi't caua lta'al, loqo' chaq souaxat ca maichi lasouaxashit ñimayi?

Juan 11:8

Nachi soua lapaxaguenataqa 'eetegalo somayi, 'eeta': –'Am mayi 'auapaxaguenataxaatac, ñaq chita'ague da na judiopi mayi lma' yi'iyi 'alhua, nshitaique da 'am ÿalauat da 'am ida'a na coma', qalaq ¿tá'ainco' yi qaltaq 'anshitaique da 'aÿa yimayi?