Mateo 23:34 - Nuevo Testamento Toba Sur

³⁴ Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Nuevo Testamento Toba Sombrero Negro

³⁴ Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

La'aqtaqa Ñim Lo'onatac 'Enauacna 2013

³⁴ Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Mateo 23:34 Referans Kwoze

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

Hechos 13:1

Qaq nam 'amqajnataxanaxaicpi mayi netaña yi Antioquía huo'o na l'aqtaxanaxanec ñi Dios qataq na dapaxaguenataxanec da n'aqtac. Qaq naua l'enqa'te soomayi Bernabé, qataq so Simón (da lÿa l'enaxat Huedaic), qataq so Lucio, l'ec yi Cirene, qataq so Menahem (som nacta'ai' co'ollaxa so nta'a Herodes mayi ilotague' yi Galilea), qataq so Saulo.

Mateo 10:23

Qaq da huo'otaq qami' qaicana'pe da huo'otaq qoviita'a ca pueblo, qalaq qananeltaxañiÿa ca lÿa. Cha'ayi aÿim qami' shinapegalo da ne'ena shiÿaxaua llalec mashi nvi' qom saxanaxa da qaumachi da qauconñiigui 'enauac nam pueblopi mayi lma' na llalaqpi so Israel.

Apocalipsis 11:10

Qaq 'enauac qome nam shiÿaxauapi mayi huetalec ana 'alhua ÿataqta ntootapeguec da nalaatague'c soomayi. Qaq souaxat de'eda ntonaxac, nachi ñi 'oonolec ÿamaxa ca lachitaqtaxanaxat ca lÿa. Cha'ayi se'esoua dos l'aqtaxanaxanqa ñi Dios, soomayi ÿataqta huo'o naq'en da nque'ejnaxac namayipi.

Hebreos 11:37

Qataq huo'o na qaÿalauat, qaidota'a na coma'. Qataq huo'o na qaiquesoxogui na lasot, qataq huo'o na ÿataqta qaÿi'iguen, qataq huo'o na qaidota'a na ÿilonec da qaÿalauat, qataq huo'o na chochi tateu'alo, ÿaatrañi naua anogo chigaqaiguilo na l'oc ana qagueta qataq na quetaq, ÿataqta huo'o da lachoxoyic qataq da nque'ejnaxac, qataq qaica ca nyacnataguec.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

Hechos 15:32

Cha'ayi som Judas qataq so Silas, soomayi nataq'en l'aqtaxanaxanqa ñi Dios. Nachi soomayi i'añaqchi't qataq huaqattrega so nqaÿañicpi, ÿataqta lta'adaic da lqataxa'c.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

Hechos 12:2

Nachi damaxasoxoolec da qaÿalauat so Santiago som lqaÿa so Juan, qaidolec ca ÿiilonec.

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.

Hechos 5:40

Nachi 'enauac somayipi ÿaÿamaxadeeta da 'enapec se'eso Gamaliel. Nachi qaiÿaxaneugalo soua Jesús lamaxa'shi, nachi qaiuaxaata'pe qataq qoÿinapegalo da sa ishit da i'axattrac da l'enaxat so Jesús. Ime, nachi qaisodeec.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.

Mateo 23:31

Qaq de'eda qoñiitec, damayi ichoxot da qami' maichi qami' llalaqpi som ÿalauat co'ollaxa som l'aqtaxanaxanecpi ñi Dios.