Mateo 21:33 - Nuevo Testamento Toba Sur

³³ Qan'axaÿaxañiÿa qome de'eda lÿa ÿaloqnaxanaxat mayi 'eeta': Huo'o so shiÿaxaua lalamaxat so 'alhua, nachi somayi ÿaañi aso uvas. Ime, nachi npaxateu'a, qataq i'ot so laÿi' da qanlom na lli'i anamayi, qataq aso lalloxolate, da yaqto' ishit da qaÿallitalec 'enauac se'eso nanaxanqa'. Ime, nachi somayi huo'o so i'aalaxanaxanec 'onataxanaxaicpi se'eso n'alhua. Ime, nachi jec.

Nuevo Testamento Toba Sombrero Negro

³³ Yitaĝa enaac ñe'me Jesús: —Anaquiaĝañiya dojo' yaloqotenaĝanaĝaiqui laqaya: 'uo ñe'me jiyaĝaua jo'ne loĝot ga'me nanaĝanaqa', ya'uo jaga'me noqop'adit, qama'le yaañi ga'me uva lichidijat; ya'uo ga'me uva li'i 'netaĝaiqui da'me qoye'et, nataq'aen queda'me 'noĝojeguem joga'me emec jo'ne qayaje'mec qaedi netaue ga'me vitaĝaic. Yem qama'le yauo'oe gaa'me jiyaĝa'u jo'ne neteleta ga'me 'lonatac da'me cha'li ca'e, dajoyi ga'me qaya'ague.

La'aqtaqa Ñim Lo'onatac 'Enauacna 2013

³³ Qana'axaỹaxañiichigui de'era saloqnaxana, 'eeta': Huo'o so ỹale lalamaxat so 'alhua, ỹauo'o so lanaxanaqa' uva lma'. Ime, nache npaxateua'a, qataq ỹo'ot aso laỹe' da qanlom na lli'i anamaye, qataq aso lalloxolate, da yaqto' ishet da qaỹalletalec 'enauac se'eso nanaxanaqa'. Ime, nache somaye huo'o so ỹa'aalaxanaxanec 'onataxanaxaicpi se'eso lanaxanaqa'. Ime, nache jec.

Mateo 21:33 Referans Kwoze

Juan 15:1

Qaq aÿim mayi shiita'am aca ÿoqta 'eesa nanguishi uva, qaq ñim ita'a, qalaq ñimayi 'eeta'am cam ilotague' aca'aca nanguishi.

Lucas 19:12

Nachi somayi 'enapeco': –Huo'o so shiÿaxaua chigaqaigui nam 'amaqtaqaicpi. Somayi jec da nqo'ona ca lÿa 'alhua mayi ÿataqta qaÿoqta, da yaqto' qoÿanagui da nta'a. Qaq da ime, nachi ñi'iguelaq.

Marcos 13:34

Cha'ayi de'eda 'eeta'am ca shiÿaxaua da huo'otaq taigue ca qaÿoqtegue. Qalaxayi da yaqta'a da jec, nachi ipataxalec ca lma' ca l-latacpi. Nachi ÿanem ñi 'oonolec somayipi ca l'onatac. Ime, nachi huaqajlec ca lasom l'o da nloshiguem.

Mateo 23:2

–Nam dapaxaguenataxaatapeguec na nqataxacpi qataq nam fariseopi, namayipi qoÿanagui da nachina na i'axategue da llic na lqataxacpi so Moisés.

Mateo 21:28

Nachi so Jesús 'enapeco': –¿Chaq 'eetec ca qadhuennataxaqui de'eda sa'axat? 'Eeta': Huo'o so shiÿaxaua dos soua llalqa. Nachi 'enapega so 'oonolec soomayi, 'eeta': “'Am ÿalec, qojec qome, 'au'onataxan, 'anqat ana ala ayi ÿanguishi uvas.”

Mateo 13:18

Qaq qan'axaÿaxañiÿa qome dam naigui som shiÿaxaua mayi danaxaatac.

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.