Mateo 21:31 - Nuevo Testamento Toba Sur

³¹ Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Nuevo Testamento Toba Sombrero Negro

³¹ Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

La'aqtaqa Ñim Lo'onatac 'Enauacna 2013

³¹ Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.

Mateo 21:31 Referans Kwoze

Lucas 7:29

Nachi 'enauac na shiÿaxauapi, qataq nam ÿacootapeeguet ana nshiitenaqte ca nta'a mayi lachilaxanatacpi so Juan, namayipi co'ollaq hua'axaÿa de'eda, nachi ÿataqta sa ishit da qaÿoqolguet ñi Dios da ÿataqta 'eesa.

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

Romanos 5:20

Cha'ayi nam nqataxacpi anac, da yaqto' ishit da nquicteec da yi'oq naq'en na nasouaxashitpi. Qalaxayi co'ollaq nquicteec na nasouaxashitpi, nachi da lqouagaxanaqtaic ñi Dios nataq'en ÿataqta nquiguishiguem.

Romanos 3:19

Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.

Mateo 20:16

Qaq 'eda qome da 'eetec nam nagui pa'ateec, qalaq namayipi qome l'auaxanecpi. Qaq nam nagui l'auaxanecpi, qalaq namayipi qome pa'ateec. Cha'ayi nagui ÿataqta qalota nam qaiÿaxanapi, qalaxayi saq 'amaqtaq qome nam nca'aguishicpi.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Lucas 19:22

Nachi som nta'a 'enapeco': “'Am nlatac qauemaic, da maichi 'ad'aqtac, nachida da sachigoxotchigui da sauo'o ca 'anhuaxanaguec. 'Am 'auaÿateetac mque' da aÿim saqadamchigui da sacona cam sa ÿalamaxat, qataq da ñaqat na ala cam saq ÿanguishic.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 9:9

Qaq so Jesús co'ollaq ca'ai yi'iyi, nachi ila'a so shiÿaxaua l'enaxat Mateo. Somayi nso'ootañi, netaigui aso l'onataxanaxaqui. Nachi 'enapega, 'eeta': –Aÿim qoquegue. Nachi so Mateo ñishiguem, nachi ca'ategue somayi.

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Mateo 5:18

Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Mateo 5:46

Cha'ayi qami' da ndoteec cam qami' ÿauoteque, qaq nachica qauauochiic, nachi ¿huá'ago' ca 'eetec da huo'o ca qanshiitenaguiiqui? Cha'ayi nataq'en i'ot de'eda nam ÿacootapeeguet ana nshiitenaqte ca nta'a.

Mateo 21:30

Ime, nachi se'eso lta'a qaltaq nqo'ona so lÿa llalec da nataq'en 'enapega. Nachi se'eso llalec 'enapeco': “Aja', taxade, ashico'.” Qalaxayi somayi sa ishit da jec.

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.