Mateo 21:28 - Nuevo Testamento Toba Sur

²⁸ Nachi so Jesús 'enapeco': –¿Chaq 'eetec ca qadhuennataxaqui de'eda sa'axat? 'Eeta': Huo'o so shiÿaxaua dos soua llalqa. Nachi 'enapega so 'oonolec soomayi, 'eeta': “'Am ÿalec, qojec qome, 'au'onataxan, 'anqat ana ala ayi ÿanguishi uvas.”

Nuevo Testamento Toba Sombrero Negro

²⁸ Qama'le Jesús male yena't jogaa'me, enaac: —¿Jach'e ga'me adelnataĝaqui da'me dojo' 'uo ca'li? 'Uo ñe'me jiyaĝaua jo'ne dojolqa gaa'me c'oqo'te, qama'le enapega ga'me onolec, enaac: «Yalec, auec'ata nayi ga'me qadanaĝanaqa' qaedi a'uonataĝan.»

La'aqtaqa Ñim Lo'onatac 'Enauacna 2013

²⁸ Nache So Jesús nataqa'en 'enapeco': –¿Chaq 'eetec ca qarhuennataxaqui de'era qami' sa'axatema? 'Eeta': Huo'o so ỹale huo'oi soua dos llalqa. Nache 'enapega so llalec ỹe, 'eeta': «'Am ỹalec, qojec qome 'auo'ot ye ỹanaxanqa' maye uva lma'.»

Mateo 21:28 Referans Kwoze

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

1 Corintios 10:15

De'eda itaxaÿaxac da qami' setaxaÿoto, se'enaxatteguem da setaqtacot ca shiÿaxaua ÿajnaxanaxaic, qaq qami' maichi qanmichi de'eda shinapec.

Mateo 20:1

Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Marcos 13:34

Cha'ayi de'eda 'eeta'am ca shiÿaxaua da huo'otaq taigue ca qaÿoqtegue. Qalaxayi da yaqta'a da jec, nachi ipataxalec ca lma' ca l-latacpi. Nachi ÿanem ñi 'oonolec somayipi ca l'onatac. Ime, nachi huaqajlec ca lasom l'o da nloshiguem.

Lucas 13:4

Qalqo' se'eso dieciocho mayi ipataxañi co'ollaq hualolaguiñi aso naue mayi naña yi Siloé, ¿peta'a da qaupi'itaxañiitega da huo'otaq somayipi ÿapacteec da lta'adaic da lasouaxashit, qaq saq 'en'am nam laÿipi mayi netaña yi Jerusalén?

Mateo 21:33

Qan'axaÿaxañiÿa qome de'eda lÿa ÿaloqnaxanaxat mayi 'eeta': Huo'o so shiÿaxaua lalamaxat so 'alhua, nachi somayi ÿaañi aso uvas. Ime, nachi npaxateu'a, qataq i'ot so laÿi' da qanlom na lli'i anamayi, qataq aso lalloxolate, da yaqto' ishit da qaÿallitalec 'enauac se'eso nanaxanqa'. Ime, nachi somayi huo'o so i'aalaxanaxanec 'onataxanaxaicpi se'eso n'alhua. Ime, nachi jec.

Mateo 17:25

Nachi so Pedro 'enapeco': –Aja', ishiiten. Nachi somayi co'ollaq pa'aigui ca noÿic, nachi so Jesús hua'aulec da 'enapega somayi, 'eeta': –¿Chaq huá'ague ca 'eetec ca 'ad'aqtac, 'am Simón? ¿Chaq négue't cam qaiÿaxanot da ishiiten aca nshiitenaqte na nta'alpi mayi ilotague' nam huetalec ana 'alhua, peta'a nachina nam lalamaxatpi, huo'otaq nam ÿaqa'a ca chigaqa'ague?

Mateo 22:17

Ña qomi' 'au'axatema ca 'adhuennataxac dam senataxanaqtapeguec, mayi 'eeta': ¿Peta'a ÿaÿamaqchiguiñi da qaishiiten ñim lta'a na nta'alpi, loqo' chaq sa ishit?

Mateo 21:27

Nachi somayipi 'enapega so Jesús, 'eeta': –Aque', sa saÿatenaq. Nachi so Jesús 'enapeco': –Aÿim nataq'en sa ishit da qami' sa'aqtaxanema ca sachigoxota'ague de'eda shinec da so'ot de'eda.

Mateo 21:29

Nachi se'eso llalec 'enapeco': “¡Qai'tai', sa ñasapat!” Qalaxayi co'ollaq qaÿata'ague, nachi nadalaxat da lhuennataxa. Ime, nachi jec da do'onataxan.