Mateo 21:15 - Nuevo Testamento Toba Sur

¹⁵ Qalaxayi nam lataxala'pi na ltaxaÿaxanaxanec na shiÿaxauapi da qaitaxaÿapegue' ñi Dios qataq nam dapaxaguenataxaatapeguec na nqataxacpi, namayipi co'ollaq ÿauaachigui nam qai'otpi mayi sa qaÿauanapega qataq hua'axaÿa da 'eetec so ñaqpiolec da i'alaqtagui co'ollaq huaigui aso n'onaxanaxaqui, 'eeta': “Ÿataqta huo'o da lli'oxoyic da llalec so qadta'a David,” nachi somayipi ÿataqta dalemata.

Nuevo Testamento Toba Sombrero Negro

¹⁵ Qalaĝaja jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi yauata da'me lañoqotaĝanaĝac 'me yaloĝon nataq'aen domachiyalo joga'me ñoqolqapi da'me niyaĝatedapejeguem ga'me tamenaĝaiqui: “¡'Ñonaĝataĝaye ñe'me c'oĝot di'me jaliaĝanec David!”, qama'le yataqachiñe dalemata'y.

La'aqtaqa Ñim Lo'onatac 'Enauacna 2013

¹⁵ Qaq som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi, somayepi co'ollaq ỹauaachigui de'era saqaỹauanapega maye ỹo'ot So Jesús qataq co'ollaq hua'aqchigui so ñaqpiolec da ỹo'oxoreetac So Jesús maye Lca'aguishec Ñim Lo'onatac 'Enauacna. Nache ỹataqta dalemata,

Mateo 21:15 Referans Kwoze

Mateo 21:9

Nachi nam shiÿaxauapi mayi hua'auta qataq nam nca'ataxaatauo nachi i'alaqtagui, 'eeta': –¡Huo'o da lli'oxoyic so llalec so qadta'a David! ¡Ÿataqta no'on da lliquiaxac som nactaigui da l'enaxat ñi qadataxala'! ¡Huo'o da lli'oxoyic ñi qadta'a Dios!

Juan 12:19

Nachi nam fariseopi maichi detaqtapega't, 'eeta': –Ña qauloÿa da qomi' mashi qaica ca ñishaqpeque. Cha'ayi 'enauac na shiÿaxauapi ca'attague' somayi.

Juan 11:57

Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.

Juan 7:42

Yi naua ñiyigui'shi l'aqtaqa ñi Dios, naamayi i'axa't da que'eca nta'a nca'alaxaqui, camayi qoÿinac da llalec qome so nta'a David, qataq qoÿinac yi chigoqchiguiña yi Belén, yim lma' co'ollaxa so David.

Juan 4:1

Na fariseopi mashi ÿaÿaten da so Jesús nquictauec na lataxanatacpi qataq napacalec so Juan na lachilaxanatacpi.

Lucas 22:66

Qaq co'ollaq mashi yi'oxoñi, nachi lapona't so lquedoxonecpi na judiopi qataq so lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi. Nachi qaÿauegueu'a so nta'alpi mayi loicnatac na lataxacpi. Nachi qainattac, qoÿiita':

Lucas 22:2

Nachi so lataxala'pi na ntaxaÿaxanaxanecpi da qaitaxaÿapegue' ñi Dios qataq som dapaxaguenataxaatapeguec na nqataxacpi, somayipi nmittaique ca ÿachigoxotchigui da ishit da ÿalauat so Jesús, qalaxayi somayipi ÿataqta ñi'iÿa so shiÿaxauapi.

Lucas 20:1

Qaq huo'o so na'a'q co'ollaq so Jesús huetaigui aso n'onaxanaxaqui late'edai da ÿapaxagueetac so shiÿaxauapi, qataq i'axattac da nca'alaxa. Nachi nvideuo som lataxala'pi nam ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi qataq so nquedoxonecpi.

Marcos 11:18

Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.

Mateo 27:20

Qalaxayi nam lataxala'pi nam ntaxaÿaxanaxanecpi qataq nam nquedoxonecpi, namayipi ÿayina'a na shiÿaxauapi, da yaqto' iÿaxanau'a da qaisouec so Barrabás, qataq da yaqto' qaÿalauat so Jesús.

Mateo 27:1

Qaq co'ollaq mashi yi'oxoñi, nachi 'enauac nam lataxala'pi nam ntaxaÿaxanaxanecpi qataq nam lquedoxonecpi na judiopi mashi nmachigui da lataxac da yaqto' qaÿalauat so Jesús.

Mateo 26:59

Nachi nam lataxala'pi na ntaxaÿaxanaxanecpi qataq so nquedoxonecpi qataq 'enauac nam nta'alpi mayi loicnatac na lataxacpi, namayipi nmittaique ca lataxac da huo'o ca chochi qaÿasaxalec lasouaxashit qanqoÿin so Jesús, nai'ctaxa da saq 'en, da yaqto' qaÿalauat.

Mateo 26:3

Nachi se'eso na'a'q nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lquedoxonecpi na judiopi, namayipi lapona't, hueta'a yi nqasoxoc so lma' lta'adaic so Caifás mayi lataxala' nam ntaxaÿaxanaxanecpi.

Mateo 22:42

nachi so Jesús inat somayipi 'eeta': –Qami', ¿chaq 'éetac ca qadhuennataqai cam nta'a mayi nca'alaxaqui? ¿Chaq négue't llalec camaxa? Nachi somayipi 'enapeco': –Qomyi camayi llalec so nta'a David.

Mateo 21:23

Nachi so Jesús huenoxoneu'a aso n'onaxanaxaqui late'edai. Qaq co'ollaq ña dapaxaguenataxaatac, nachi nqo'oneu'a somayi nam lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam lquedoxonecpi na judiopi. Nachi inattac somayi, 'eeta': –¿Huá'ague ca 'auachigoxota'ague ca 'an'aqtac da huo'o mshi 'au'ot de'eda? ¿Négue't ca 'am ÿanem de'eda 'adamaxasoxonaxac?

Mateo 9:27

Qaq co'ollaq ca'ai yi'iyi so Jesús, nachi ana'c soua dos qanamaiqa. Nachi ca'attraueegue somayi, ÿataqta i'alaqtai'salo, 'eeta': –¡'Am llalec so David, qomi' 'auchoxode'n qome!

Mateo 20:24

Qaq soua lÿa't diez lapaxaguenataqa co'ollaq hua'axaida de'eda, nachi soomayi ÿataqta dalemataÿalo se'esoua dos nqaÿa't.