Mateo 20:24 - Nuevo Testamento Toba Sur

²⁴ Qaq soua lÿa't diez lapaxaguenataqa co'ollaq hua'axaida de'eda, nachi soomayi ÿataqta dalemataÿalo se'esoua dos nqaÿa't.

Nuevo Testamento Toba Sombrero Negro

²⁴ Ca'li gaa'me laqaya' diez napaĝaguenataqa domachita da'me dojo', qama'le dalemata'yalo ca'li gaa'me dojolqa mach'e naqaya'.

La'aqtaqa Ñim Lo'onatac 'Enauacna 2013

²⁴ Qaq soua lỹa't diez lapaxaguenataqa co'ollaq noma de'era, nache soomaye ỹataqta dalemataỹalo se'esoua dos nqaỹa't Santiago qataq Juan.

Mateo 20:24 Referans Kwoze

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Santiago 3:14

Qalaxayi qami' da huo'o ca huetangui añi lquiyaqte ca lquiÿaxanaqtaic qataq huo'o ca naquittaique, qaq no'on da sa ishit da n'amqajngui da laÿajnec, cha'ayi 'eeta'am da chochi datenataxaatac qataq dataÿa'aguet da 'eesa lataxac.

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

1 Corintios 13:4

Ca huo'o da lsoxoyic ÿataqta nque'ejnaxaic, qataq huotaxanaqtaqaic, qaq sa ishit da quiÿaxanaqtaqaic, qataq sa ishit da n'amqajnaxaic, huo'otaq ñi'oxonnaxaic.

Marcos 10:41

Nachi soua lÿa't diez lapaxaguenataqa co'ollaq hua'aqchiguilo de'eda, nachi qaÿalemataÿalo soua Santiago qataq so Juan.

Mateo 20:23

Nachi somayi 'enapeco': –Aja', 'eesa qami' ishit da 'ico' qanÿomiigui cam que'ejnaxac mayi saigui qataq dam chilaxac. Qalaxayi de'eda lataxac da qanso'oota'ague da aÿoic qataq da ñi'emaq, qalaq damayi sa ishit da aÿim qoÿami' da san. Cha'ayi chaqcata cam sogote da ÿaqataxaatapigui' ñi ita'a mayi nachica ca ÿanem.

Mateo 20:25

Nachi so Jesús iÿaxanoiguilo soomayi, nachi 'enapegalo, 'eeta': –Qami' qauaÿajñi na lataxala'pi na ÿotta'a't shiÿaxauapi da namayipi ÿataqta 'eeta'am na 'aco' da ÿamaqpec na laÿipi, qaq nam 'añaxaicpi, namayipi ÿataqta i'otec da ÿalaxaguet da lamaxasoxonaxac naq'en na laÿipi.

Marcos 10:14

Qaq so Jesús co'ollaq ÿauaachigui de'eda, nachi denoÿai'. Nachi 'eetegalo soomayi, 'eeta': –Ña qauauaqaita'a na ñaqpiolec da aÿim nau'a, sa ishit da sa qanashiñiiguet, cha'ayi de'eda l'onataxanaxac ñi Dios nam huetaigui nachina na 'eeta'am namayipi.

Lucas 13:14

Qalaxayi som ilotague' asom naponaxaqui ÿataqta dalemata souaxat so Jesús da datannataxangui so na'a'q mataxaqui. Nachi 'enapega so shiÿaxauapi, 'eeta': –Huo'oi mque' naua seis na'axa'te mayi ishit da qai'onataxanguilo. Qaq nachinauáctaxa huetoiguilo da qauanaqui, da yaqto' qami' qanatade'n, qaq sa ishit da nachiyi yi na'a'q mataxaqui.