Mateo 2:6 - Nuevo Testamento Toba Sur

⁶ Qaq 'am Belén, mayi 'am n'alhua na llalaqpi so Judá, ÿataqta lta'adaic da 'ad'amaqchic, sa ishit da qoneta'am nam nta'alpi yi'iyi 'alhua; cha'ayi 'am chigoqchiguiña qome ca nataxala', mayi ilo'ogue na Israel llalaqpi mayi ÿalamaxatpi.

Nuevo Testamento Toba Sombrero Negro

⁶ «Qalaĝaja am noic Belén, 'me ouetaue di'me aleua Judá, ja naqaeda ta'le yataqachiñe am 'naja jo'ne ja auena'ama gaa'me noyaqa let'adayaqa 'me p'ajodaye; qa'a 'uo qomle ga'me jaliaĝanec jo'ne am chiyaqaue jo'ne yaue'j qomle gaa'me yalaqapi jo'ne Israel laje'pi.»

La'aqtaqa Ñim Lo'onatac 'Enauacna 2013

⁶ «Qaq 'am Belén, maye qouetaigui na na'alhua na Judá, ỹataqta lta'araic da 'ara'amaqchec, Da qonetaigui na laỹepi nma'pi na Judá; cha'aye 'am chegoqchiguiña qome ca Nataxala', maye ilo'ogue na Israel le'ecpi maye ỹalamaxatpi.»

Mateo 2:6 Referans Kwoze

Juan 7:42

Yi naua ñiyigui'shi l'aqtaqa ñi Dios, naamayi i'axa't da que'eca nta'a nca'alaxaqui, camayi qoÿinac da llalec qome so nta'a David, qataq qoÿinac yi chigoqchiguiña yi Belén, yim lma' co'ollaxa so David.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Apocalipsis 2:27

da yaqto' 'eeta'am da 'eetec ñi ita'a da aÿim ÿanem da samaxasoxonapec. Nachi camayi ilo'ogue na ÿotta'a't shiÿaxauapi, huota'a ca npon lcat. Qaq ilaxachigui namayipi, 'eeta'am naq'en aca naco'oña 'alhua da ilaxachigui.

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Mateo 2:1

So Jesús lañoqo' yi pueblo l'enaxat Belén, huaigui yi 'alhua Judea huetoigui so na'a'q co'ollaq so Herodes nta'a, nachi ilotague' se'eso 'alhua. Nachi nvitra yi la ciudad Jerusalén soua shiÿaxa'u, chigoqda'ague da yi'oxoñi. Soomayi ÿajnaxanaxaiqa ana huaqajñipi.

Efesios 1:22

Nachi ipataxalec da ilo'ogue naq'en 'enauacna so Cristo, qataq ÿanem da nachisota 'oonolec lqaic naq'en 'enauac na 'amqajnataxanaxaicpi.

Juan 21:16

Nachi qaltaq ÿi'iguelaxalec da inat somayi, 'eeta': –'Am Simón mayi 'am llalec so Jonás, ¿aÿim 'auauotec peta'a? Nachi so Pedro 'enapeco': –Aja', 'am ÿataxala', 'am 'auaÿaten mque' da 'am sauotec. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Hebreos 7:14

Cha'ayi 'enauac da qaÿaÿateeta da so qadataxala' chigaqaigui na llalaqpi so Judá, nam sa ishit co'ollaxa da detaxaÿa so Moisés co'ollaq i'axattac da llic na ntaxaÿaxanaxanecpi.

Apocalipsis 7:17

Cha'ayi ñi qagueta llalec mayi netangui na laiñi yi so'onqa', ñimayi ilo'ogue qome namayipi, 'eeta'am naq'en ana qagueta, qataq ÿauega cam chochi npaxaatashiguem na 'etaxat mayi chigaqaigui da nca'alaxa. Huaña, nachi ñi Dios iÿouec 'enauac na lachi' namayipi.