Mateo 2:2 - Nuevo Testamento Toba Sur

² Nachi soomayi denataxaata'pe, 'eeta': –¿Huá'ague ca hueta'ague ca lta'a na judiopi mayi chita'ague da ñiguiñi? Cha'ayi de'eda nala' lliguishiguem mayi sepa'aqta'ague, qomi' ñiloqta'a aso l'anaqte huaqajñi. Qaq ÿoqo'oyi ñanaguenaq da shi'oxodenaq.

Nuevo Testamento Toba Sombrero Negro

² qama'le denataĝa'n jogaa'me: —¿Jach'e ga'me ue'ta ga'me judiopi lejaliaĝane'j jo'ne yemta niyiñe? Qa'a jauanaĝa jaga'me neuaqachiñi jo'ne chiyoĝogue ga'me nayapije'ma jañe'me ajeua, qama'le ñanaĝaquena qaedi 'ñonaĝataĝaye.

La'aqtaqa Ñim Lo'onatac 'Enauacna 2013

² Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Mateo 2:2 Referans Kwoze

Apocalipsis 22:16

–Qaq nachaÿim Jesús mayi ñamaq so ÿamaxashic, da yaqto' i'axatem 'enauac de'eda nam aÿim i'amaqteetac. Qaq nachaÿim mayi aÿim chigoxoguet so nta'a David qataq nachi sachigoxoguet somayi. Qataq aÿim mayi nachaÿim huaqajñi yi'oxoñi lalaqte.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Hebreos 1:6

Qalaxayi co'ollaq anacot so l'auaxanec llalec da namaxa ana 'alhua, nachi 'enapeco': 'Enauac qome nam lamaxashic piguem l'ecpi ñi Dios, namayipi qome i'adoto naua l-llicte.

Lucas 23:38

Qaq huo'o som nedec mayi qoÿittalec na pa'ashiguem, huetalguete naua l'aqtaqa na griegopi qataq na latinopi qataq na hebreopi, 'eeta': “Ñimayi nachiñi ñi lta'a na judiopi.”

Lucas 23:3

Nachi so Pilato inat somayi, 'eeta': –¿Nachi'am peta'a mayi 'am lta'a na judiopi? Nachi so Jesús 'enapeco': –Aja', nachida dam qonapec.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

Lucas 19:38

Nachi qoÿiita': –¡Ÿataqta no'on da lliquiaxac na qadta'a mayi nactaigui da l'enaxat ñi qadataxala'! ¡Huo'o qome da nlagaxayic na piguem, qataq da lli'oxoyic ñi Dios!

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Juan 9:38

Nachi se'eso shiÿaxaua i'adoto naua l-llicte so Jesús, nachi 'enapega, 'eeta': –'Am ÿataxala', 'am sa'amaqten.

Juan 19:19

Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.”

Juan 12:13

Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita': –¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!

Mateo 27:11

So Jesús qaÿauegueu'a so nta'a Pilato. Nachi somayi inattac so Jesús, 'eeta': –¿Peta'a nachi'am lta'a na judiopi? Nachi so Jesús 'enapeco': –Aja', nachida dam qonapec.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Mateo 21:5

'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

Mateo 2:3

Nachi so nta'a Herodes co'ollaq ÿaÿaten de'eda, nachi ÿataqta i'elaq, nataq'en 'enauac nam shiÿaxauapi mayi netaña yi Jerusalén.