Mateo 19:24 - Nuevo Testamento Toba Sur

²⁴ Qaq aÿim shi'iguelaxalec da qami' sa'aqtaxanema, da ÿataqta huo'o da lqalaic aca shiguiÿac l'enaxat camello da taigui qanqoÿin ca lauac ana qana. Qalaxayi ÿapacteec da lqalaic ca sallaxanec da inoxoneu'a da l'onataxanaxac ñi Dios da ilo'ogue 'enauacna.

Nuevo Testamento Toba Sombrero Negro

²⁴ Ami ji'iyelaĝatelo'te queda'me ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ta'le taue da'me Dios lejaliaĝa ga'me neuoyaq.

La'aqtaqa Ñim Lo'onatac 'Enauacna 2013

²⁴ Qaq ỹoqta 'eesa da saqalaq aca shiguiỹac le'enaxat nauanaxanaxa da taigui qanqa'en ca lauac aca qana, qaq saq 'ena'am da lqalaic ca sallaxanec da inoxoneua'a da lo'onataxanaxac Ñim Lo'onatac 'Enauacna.

Mateo 19:24 Referans Kwoze

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Lucas 18:25

Ÿataqta huo'o da lqalaic aca shiguiÿac l'enaxat camello da taigui qanqoÿin ca qana lauac, qalaxayi ÿapacteec da lqalaic ca sallaxanec da inoxoneu'a da l'onataxanaxac ñi Dios da ilo'ogue 'enauacna.

Mateo 19:26

Nachi so Jesús ÿamataiguilo soomayi, nachi 'enapeco': –Na shiÿaxauapi sa ishit da ÿañoxot de'eda. Qalaxayi ñi Dios mayi sa ishit da huo'o ca ÿaqalanapec.

Mateo 23:24

¡Qami' mayi qami' nataxala'te qanamaiqa, qami' 'ico' qanapishiñiita ana chitole, qalaxayi 'eeta'am da qauoxoñiÿañi ana shiguiÿac l'enaxat camello!

Mateo 19:25

Qaq co'ollaq hua'axaÿa de'eda soua lapaxaguenataqa, nachi ÿataqta lta'adaic da l'aalaqa'. Nachi nnattega't, 'eeta': –Da nachi 'eetec de'eda, nachi ¿négue'to' ca ishit da qanca'alaxateec?

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.