21 Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.
21 Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.
Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.
huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec.
Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.
Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.
Nachi so Jesús 'enapeco': –Ÿataqta 'eesa de'eda qami' sa'axatema da que'eca na'a'q, qom mashi qanadalaxat 'enauacna, qom mashi ivita ca laloqo' da na shiÿaxaua llalec nso'oongui aca nso'onaxaqui mayi qaica ca 'en'am da lli'oxoyic da nta'a, nachi qami' mayi aÿim qauca'achiitague' nataq'en qanso'oñiinguilo caua doce nso'onaxaqui' na nta'a, da yaqto' qanmichi na llalaqpi soua doce llalqa so Israel.
Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.
Qaica ca chochi napaxaguenatac da ishit da napacalec ca napaxaguenaxala'. Qalaxayi da huo'otaq mashi inoxonaqchiteec nam qaÿapaxaguenecpi, qaqca ishit da 'eeta'am cam napaxaguenaxala'.
Qaq co'ollaq ime de'eda, nachi so Jesús inoxoneec, nachi ilalec som ÿacootapeeguet ana nshiitenaqte ca nta'a. Somayi l'enaxat Leví, qaq nso'ootañi, netaña so lshiitenaxanqa' nam deshiitenaxaatac. Nachi 'enapego', 'eeta': –Aÿim 'auca'ategue.
Nachi so Jesús iÿaxanoiguilo soua lapaxaguenataqa nataq'en na shiÿaxauapi. Nachi 'enapego', 'eeta': –Da huo'o ca nshitaique da aÿim quegue, nai'ctaxa da huo'otaq aÿim ileutalec.
Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.
Qaq co'ollaq jec, nachi ila'a so Leví som llalec so Alfeo. Somayi nso'ootañi, hueta'a aca lshiitenaxanaxaqui na shiÿaxauapi da ishiiten ca nta'a. Qaq so Jesús nachi iÿaxana somayi, 'eeta': –Aÿim 'auca'ategue qome. Nachi so Leví ñishiguem, nachi ca'ategue.