Mateo 18:4 - Nuevo Testamento Toba Sur

⁴ Qaq ÿoqo'oyi cam ÿoqta ÿacteec da l'amaqchic da huetaigui da l'onataxanaxac ñi Dios mayi neta'ague da piguem, nachica cam sa ishit da n'amaqchin qataq ÿi'iguelaxa da 'eeta'am ne'ena nogotolec.

Nuevo Testamento Toba Sombrero Negro

⁴ Ñe'me jo'ne qoyen p'ajaye da'me lejaliaĝa di'me piyem, nach'eñe jo'ne ja ni'yoĝodela't nataq'aen 'viyelaĝaguet da'me ena'am jenjo' notolec.

La'aqtaqa Ñim Lo'onatac 'Enauacna 2013

⁴ Cha'aye da qanayeetaigui da lo'onataxanaxac Ñim Lo'onatac 'Enauacna, nache ca shiỹaxaua maye 'amaqtaqaic nacheca cam 'eeta'am ne'ena nogotolec.

Mateo 18:4 Referans Kwoze

Santiago 4:10

Sa ishit da qan'amaqchiñiito'ot ñi qadataxala' Dios, yaqto' ñimayi qami' nauaxaÿaxaayishigue'm da qami' ÿi'oxoda'q naq'en.

Lucas 14:11

Cha'ayi ca nshitaique da n'amaqten, qaq nachica ca saq 'amaqtaq qanqoÿin, qaq cam sa n'amaqten, qaq nachica ca 'amaqtaq qanqoÿin.

Marcos 10:43

Qaq da qoñiita, qalaxayi sa ishit da qoñiitec de'eda. Chaqdata da ca nshitaique da 'amaqtaqaic da qoñiita, qalaq camayi nachica ca huapegue' na laÿipi;

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Mateo 18:1

Nachi se'eso na'a'q soua lapaxaguenataqa so Jesús nquiguedeuo, nachi qainattac somayi, qoÿiita': –¿Chaq négue't ca ÿoqta ÿacteec da l'amaqchic nam huetaigui da l'onataxanaxac ñi Dios mayi neta'ague da piguem?

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Mateo 18:5

Qataq ca souaxat da aÿim quetague' da ÿaconguet ca 'oonolec ne'ena nogotolec, qaq nachaÿim mayi aÿim ÿaconguet.

Marcos 9:34

Qalaxayi soomayi sa ishit da ÿasa't, cha'ayi soomayi co'ollaq huangui so nqa'aic, nachi ncotatrapigui da chaq negue't soomayi ca ÿoqta ÿacteec da l'amaqchic.