Mateo 18:10 - Nuevo Testamento Toba Sur

¹⁰ Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Nuevo Testamento Toba Sombrero Negro

^10-11 Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

La'aqtaqa Ñim Lo'onatac 'Enauacna 2013

^10-11 Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 18:10 Referans Kwoze

Hebreos 1:14

Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Lucas 16:22

Qaq huo'o so na'a'q nachi se'eso choxodaq ileu. Nachi anac na lamaxashic piguem l'ecpi ñi Dios da ÿaueegue da piguem cam hueta'a so Abraham. Qaq som sallaxanec nataq'en ileu. Ime, nachi qailayiñi.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Mateo 18:14

Qaq 'eda da 'eetec nataq'en ñi qadta'ai mayi neta'ague da piguem, da sa ÿaÿamaxaden da daqat ca 'oonolec ne'ena qaica ca l'amaqchicpi.

Mateo 18:6

Camachicague't shiÿaxaua da huo'otaq ÿasouaxateguet ca lasouaxashit ca 'oonolec ne'ena qaica ca l'amaqchic mayi aÿim i'amaqteetac, nachi camayi no'on da ÿataqta qaÿasaxangui na laiñi aca auaxai, qoÿaxatot na lqosot ca namaicnaxanaxat coma'.

Mateo 2:19

Qalaxayi co'ollaq mashi ileu so Herodes, nachi huaña yi Egipto da qaltaq nachaxana so José so lamaxashic ñi qadataxala', huaigui naq'en so l'ochaxa. Nachi 'enapega, 'eeta':

Mateo 2:13

Qaq co'ollaq mashi je'c soua ÿajnaxanaxaiqa, nachi so lamaxashic ñi qadataxala' nachaxana so José co'ollaq huaigui so l'ochaxa. Nachi 'enapega, 'eeta': –Qoñishiguem qome, nachi 'auacoosop yi nogotolec, qataq añi late'e, nachi 'ananeltaxangue da Egipto. Nachi qoueta'a qome yimayi, to' qom 'am shinapega. Cha'ayi ñi Herodes anac da nmitaique na nogotolec da ÿalauat.

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

1 Ts 4:8

Qaq ÿoqo'oyi ca n'otane' de'eda napaxaguenataxanaxac, camayi sa ishit da i'otan ca chochi shiÿaxaua deto. Cha'ayi nachiñi ñi Dios i'otan, ñim qomi' ÿanema so Espíritu Santo.

1 Corintios 11:22

¿Saqcaua peta'a naua qadma'chilli' da qauqui'ii qataq qanÿomi? Qaq da nachi qoñiita'ac de'eda, nachi 'eeta'am da qau'otañiitac na laÿipi i'amaqteetacpi ñi Dios, qataq qauauoita'a da l'aloxo nam qaica ca yi. ¿Huá'ague ca 'eetec ca i'aqtac qami'? ¿Qami' saÿamaxadeete' peta'a? ¡'A'i, sa ishit da saÿamaxadeeta de'eda!

1 Corintios 16:11

Ÿoqo'oyi qaica ca 'oonolec da qoñiita da i'otan somayi. Chaqdata da qautauañiic da lliquiaxac, yaqto' qaica ca da. Cha'ayi seuattaique camayi nataq'iñi caua lÿa't qadqaÿa't da yaqto' ñauaneto.

Romanos 14:10

Qalaq 'am ¿tá'ainco' yi qoquetapeguelec ca 'ad'amqajnataxanaxaua? qataq ¿tá'ainco' yi 'au'otaatac? Cha'ayi 'enauac qome da shinaqta da ñachaataxau'a so Cristo, da yaqto' somayi qomi' nmi't.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 12:23

Lcopata, nachi anac so lamaxashic piguem l'ec ñi qadataxala', nachi dalola naq'en so Herodes, cha'ayi somayi sa ishit da ÿi'oxoden ñi Dios. Nachi anac na qochi'l, chic, chochi ivitta'a da ileu.

Hechos 12:15

Nachi qoÿiitego' asomayi, qoÿiita': –¡Ÿoqta huo'o da 'oic peta'a! Qalaxayi asomayi ÿoqta 'eesa naq'en da nachiso. Qalaxayi somayipi 'enapeco': –¡'A'i, sa ishit da nachida; souaxai' chochi lqui'i da nachaxan!

Hechos 10:3

Qaq huo'o so na'a'q mashi dashichiguiñi aso nala', nachi somayi huo'o so lauanaqchic: ila'aguet so namaxashic piguem l'ec da taÿau'a ca hueta'a somayi, nachi 'enapego', 'eeta': ¡Cornelio!

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Romanos 14:21

Qaq ÿoqo'oyi 'onaxaic da sa ishit da qanallic na lapat qataq da qanÿomgui na lataxa qataq 'enauac nataq'en nam ishit naq'en da huañi ca 'ad'amqajnataxanaxaua, huo'otaq da ÿauo'o naq'en ca lasouaxashit, huo'otaq da qaica naq'en ca l'añaxac da lpi'iÿaxac.

Apocalipsis 8:2

Ime, nachi sela'a so siete namaxashic piguem l'ecpi nachattañi, datatau'a yi nso'onqa' ñi Dios. Nachi somayipi qoÿami' aso siete nashiidepi.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

Lucas 10:16

Qaq ca qami' n'axaÿaxanalo, qaq nachaÿim aÿim n'axaÿaxana, qaq ca qami' sa ÿacongueta, qaq nachaÿim aÿim sa ÿaconguet. Qaq ca aÿim sa ÿaconguet, qaq nachiñi ñi aÿim namaq ñim sa ÿaconguet.

Mateo 12:20

Qataq sa ishit da chochi ÿacagaxat aca coqta mayi namaxagui, qataq sa ishit da ÿalamat cam ncoÿadaxanaxat mayi chochi nchitapiguishiguem, chochi ivitta'a da ime da lapaxañi cam l'onataxanaxac mayi ÿataqta ÿaÿamaqchiguiñi.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.