Biblia Todo Logo
Bib sou entènèt

- Piblisite -




Mateo 17:5 - Nuevo Testamento Toba Sur

5 Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Gade chapit la Kopi

Nuevo Testamento Toba Sombrero Negro

5 Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Gade chapit la Kopi

La'aqtaqa Ñim Lo'onatac 'Enauacna 2013

5 Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Gade chapit la Kopi




Mateo 17:5
38 Referans Kwoze  

Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.


Que'eca nachica ca maichi ilatac, camayi maichi llica'aguishic, qataq ÿataqta ÿauotaxat camayi, ÿataqta ñitootapeguec. Qaq camayi aÿim sananguit qome ñi ñi'Espíritu da yaqto' i'axatem nam ÿotta'a't shiÿaxauapi dam shiitapeguec da i'ot.


Nachi anac so l'oc da nalotelguete soomayi. Qaq se'eso l'oc nachi chimaxaigui so n'aqtac, 'eeta': –'Eda da ÿalec mayi ÿataqta ÿauotaxat, damayi qan'axaÿaxañiÿa qome.


Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.


Nachi qai'axaÿa so n'aqtac chimqot na piguem, 'eeta': –'Am mayi nachi'am ÿalec, 'am ÿauotaxat, aÿim ÿataqta 'am ñitootapeguec.


Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.


Nachi so Espíritu Santo anaÿaña somayi, 'eeta'am na qoto' ÿataqta yi'oqta. Ime, nachi chimqot na piguem so n'aqtac, 'eeta': –'Am mayi nachi'am ÿalamaxat ÿalec, 'am ÿauotaxat, aÿim ÿataqta 'am ñitootapeguec.


Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.


Qataq nachiso se'eso Moisés so da'aqtaxanem co'olloxochiyi so Israel llalaqpi, 'eeta': “Ñi Dios qami' namaxalo qome ca l'aqtaxanaxanec, camayi maichi qadalamaxachi qadqaÿai, camayi 'eeta'am aÿim da qami' qanamaxalo. Qaq camayi ÿataqta qaualaqaileco' qome.”


Nataq'en ñi ita'a mayi aÿim namaq, ñimayi ÿataqta 'eesa naq'en de'eda ñi'aqtaguec. Qaq nai'ctaxa da qami' sa qauauañiÿapega da qau'aqaichigui ca lavilÿaxac ñimayi, qataq sa ishit da qauauattoñi ca lashiguiÿaxac.


Cha'ayi ñimayi qomi' nca'alaxateeguesopa co'ollaxa da lamaxasoxonaxac na napalaxa, huaña, nachi qomi' inoxonaqchiteu'alo da lamaxasoxonaxac so lauotaxat llalec,


Qaq ÿoqo'oyi nachi 'eetai' qome da shi'oxodenaqtac ñi Dios souaxat da lli'oxoyic da lchoxonnataxanaxa mayi qomi' ÿanema, souaxat da qomi' ñi'adaqtau'a so lauotaxat llalec.


Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.


Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a.


Qaq co'ollaq qai'axaÿa de'eda, nachi soua lapaxaguenataqa ÿataqta nqapaxangueta na 'alhua, qataq ÿataqta huo'o da lcolanqa'.


Ime, qaltaq ñamatashiguem, nachi sela'a so l'oc lapagaxaic, qaq se'eso l'oc nso'ootalec so 'eeta'am na llalec na shiÿaxaua. Somayi ÿaatañi aso nado'o nta'a mayi chigaqaigui na oro, qataq lasoqta'a so lpetegaxanaxat ÿataqta ÿaxadaic.


Swiv nou:

Piblisite


Piblisite