Mateo 17:27 - Nuevo Testamento Toba Sur

²⁷ Qalaxayi da yaqto' sa ishit da huo'o ca qadasouaxashit, qaq no'on da 'anqo'onaxaama qome aso auaxai. Ime, nachi 'auasaxañi aca 'adqoina. Qaq ca hua'auchiguiñi 'adqoishic nÿaq, camayi huetaigui na alap aca anom lcatole. Qaq nachaca qome nalotañi da 'angui aca ishiitenaxanaqte qataq aca 'adshiitenaxanaqte. Ime, qaq 'audouo qome, 'aushiitenaxana.

Nuevo Testamento Toba Sombrero Negro

²⁷ Qalaĝaja, queda'me qaedi ja ena'am ta'le je'uenaqa'tape qama'le auec'ata di'me noĝop lae, auajaqajom jaga'me adena. Ga'me 'uaechiñe niyaq jo'ne adiijec nach'ega anaueta. Qama'le auana ga'me nemena 'me uetaue ga'me nedegaĝat, jo'ne nalo'taguet da'me lajo'viyaĝac ga'me mach'e yejetenaĝanaĝac nataq'aen ga'me mach'e adoĝot. Aueda'alo qama'le auejete'n.

La'aqtaqa Ñim Lo'onatac 'Enauacna 2013

²⁷ Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Mateo 17:27 Referans Kwoze

2 Corintios 6:3

Qaq sa ishit da huo'o ca 'ico' ñaqanaxataqtac, yaqto' sa ishit da qauem da n'aqtaguec da qad'onataxanaxac.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

1 Corintios 8:9

Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Romanos 14:21

Qaq ÿoqo'oyi 'onaxaic da sa ishit da qanallic na lapat qataq da qanÿomgui na lataxa qataq 'enauac nataq'en nam ishit naq'en da huañi ca 'ad'amqajnataxanaxaua, huo'otaq da ÿauo'o naq'en ca lasouaxashit, huo'otaq da qaica naq'en ca l'añaxac da lpi'iÿaxac.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.

Juan 6:61

Nachi so Jesús ÿaÿajnau'a da lhuennataxac somayipi da quetapeguelec de'eda l'aqtac somayi. Nachi somayi inattac somayipi, 'eeta': –¿Peta'a qami' ÿashaxaadeec naq'en de'eda?

Mateo 5:29

Qaq ÿoqo'oyi ana 'oiguishi 'ad'aite, da huo'otaq huo'o naq'en ca 'adasouaxashit, qaq no'on da 'anqat, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Mateo 5:30

Qataq na 'oiguishic 'adhuaq, da 'am ÿanataxajñi, nachi no'on da 'auquesoxouec, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Mateo 17:26

Nachi so Pedro 'enapeco': –Qomyi nam chigaqauecpi. Nachi so Jesús 'enapeco': –Nachi nam lalamaxatpi sa ishit da deshiitenaxan.

Mateo 18:6

Camachicague't shiÿaxaua da huo'otaq ÿasouaxateguet ca lasouaxashit ca 'oonolec ne'ena qaica ca l'amaqchic mayi aÿim i'amaqteetac, nachi camayi no'on da ÿataqta qaÿasaxangui na laiñi aca auaxai, qoÿaxatot na lqosot ca namaicnaxanaxat coma'.

Mateo 18:8

Qaq ÿoqo'oyi na 'adhuaq huo'otaq na 'adchi da ÿauo'o ca 'adasouaxashit, qaq no'on da 'auchigueec, nachi 'auasaxauec. Cha'ayi ÿaÿamaqchiguiñi da 'aunoxoneu'a da nca'alaxa, nai'ctaxa da 'oonolec na 'adhuaq qataq na 'adchi, qalaxayi saq 'en'am da 'am qaÿasaxangui ca nodec da 'adÿaueeguelo naua 'adhua'q qataq naua 'adchil.

Marcos 9:42

Qaq camachicague't shiÿaxaua da huo'otaq ÿaueca'aguet ca lasouaxashit ca 'oonolec ne'enatai' saq 'amaqtaqpiolec mayi aÿim i'amaqten, nachi camayi no'on da qaicoñida'ac na lqosot ca coma' lta'adaic mayi namaicnaxanaxat, nachi qaÿasaxangui aca auaxai.

Marcos 9:43

Na maichi 'adhuaq da huo'otaq 'am ÿaueca'aguet ca 'adasouaxashit, qaq no'on da 'auchigueec. Cha'ayi ÿaÿamaqchiguiñi da 'aunoxoneu'a da nca'alaxa, da 'oonolec na 'adhuaq, qalaxayi saq 'en'am da nalota't naua 'adhuaxayi, qaq 'am qaÿasaxaña ca nhuaxanqa' na 'itaxaloxoicpi mayi huaña ca nodec mayi sa ishit da qaÿalamat,

Lucas 17:2

Camayi no'on qome da qaicoñida'ac na lqosot ca coma' lta'adaic, ime, qaq qaÿasaxauga aca auaxai, cha'ayi sa ÿaÿamaxañi da huo'o naq'en ca lasouaxashit ca 'oonolec ne'ena saq 'amaqtaqpiolec.