Mateo 17:20 - Nuevo Testamento Toba Sur

²⁰ Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Nuevo Testamento Toba Sombrero Negro

^20-21 Jesús enaac: —Qa'a ami yataqachiñe jaleca da'me adepi'i. Ami jayataĝadeneque ta'le eja 'uo da'me adepi'i, mate mane'e ena'am onole peta 'me mostaza jala, qama'le aueñiyapega jenjo' qajoĝonaĝa: «Oca'e jenjo', auec'ata ga'me aleua laqaya», qanach'e nichic ga'me qajoĝonaĝa. Qaya'te auaqalañitac.

La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 17:20 Referans Kwoze

Lucas 17:6

Nachi so qadataxala' 'enapegalo' soomayi, 'eeta': –Qami' da huo'o ca qadpi'iÿaxaqui, nai'ctaxa da 'ico' lcata'amole aca ala ana l'enaxat mostaza, qalaxayi qoñiÿapega ada'ada qo'ipaq late'edai, qoñiita': “Qoca'ai ne'ena qonetaña, ime, qaq qonangui aso auaxai,” qaq ada'ada qo'ipaq ishit da qami' ÿalaxagueta.

Marcos 11:23

Ÿataqta 'eesa de'eda qami' sa'axatema, da huo'o ca camachicague't da huo'otaq 'enapega añi qasoxonaxa da 'eeta': “Qoca'ai qome na qonetaña, nachi 'angui aso auaxai,” qaq camayi da sa ishit da ÿoqolguet da l'aqtac, nda'a't da i'amaqten, nachi ishit da ipacchigui.

Lucas 18:27

Nachi so Jesús 'enapeco': –Cam sa ishit da ÿañoxot na shiÿaxauapi, qalaxayi ñi Dios mayi ishit da i'ot.

Lucas 1:37

Cha'ayi ñi Dios qaica ca ishit da ÿaqalanapec.

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

Mateo 13:31

So Jesús nataq'en ÿauo'o da lÿa daloqnaxana, 'eeta': –Da l'onataxanaxac ñi Dios mayi neta'ague da piguem, damayi 'eeta'am aca ala ana l'enaxat mostaza mayi ÿacona ca shiÿaxaua da ÿaalec ca n'alhua.

Juan 11:40

Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?

Marcos 4:31

Damayi 'eeta'am aca ala ana mostaza mayi qoÿanoigui na 'alhua. Acamayi ÿataqta qapi'ole aca ala, saq 'en'am 'enauac ana laÿi nanguishi mayi huetalec ana 'alhua.

Hebreos 3:19

Qaq qomi' seloqchigui da somayipi sa ishit co'ollaxa da inoxoneuo, souaxat da sa da'amqajnataxan.

Mateo 17:17

Nachi so Jesús 'enapeco': –¡Aicoue qami' mayi sa qau'amqajnataxañi, qataq qami' qauemaiqa! Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto. Ña qanaviquiicna'a da nsoq.

1 Corintios 12:9

Huo'o na ÿanem da lta'adaic da lpi'iÿaxac, chigoqchigui naq'en so Espíritu, qataq huo'o na ÿanem da ishit da nataden na dalolaxaic.

Mateo 17:9

Qaq co'ollaq mashi huenotreeguesop aso saqaÿoqotchiguemec 'alhua, nachi so Jesús huaqattegalo, 'eeta': –Sa ishit qome da huo'o ca qau'axachiim de'eda qadauanaqchiqui, to' qom mashi qaltaq nca'aleec ne'ena shiÿaxaua llalec.

Mateo 8:26

Nachi somayi 'enapeco': –¿Tá'ainco' yi qayi'ii? ¡Qami' ÿataqta qapi'olec da qadpi'iÿaxaqui! Nachi somayi ñishiguem, nachi nlaxa so l'at qataq na 'etaxat, nachi ÿataqta vi'iteguet qataq ntochiguiñi.

Mateo 17:19

Qaq co'ollaq ime, nachi soua lapaxaguenataqa iÿotrauga so Jesús. Nachi inattrac, 'eeta': –¿Tá'ainco' yi qomi' sa ishit da so'odaqhuec se'eso n'ec leguemaxaic?

Marcos 11:22

Nachi so Jesús 'enapeco': –Ÿataqta qauauo'oi qome ca qadpi'iÿaxaqui ñi Dios.

Mateo 14:29

Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.