Mateo 16:27 - Nuevo Testamento Toba Sur

²⁷ Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Nuevo Testamento Toba Sombrero Negro

²⁷ Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

La'aqtaqa Ñim Lo'onatac 'Enauacna 2013

²⁷ Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 16:27 Referans Kwoze

2 Corintios 5:10

Cha'ayi 'enauac qome qomi' ñachaataxau'a cam huaña da so Cristo nmit na nasouaxashitpi, da yaqto' ñi 'oonolec ishit da ÿaconguet cam naigui ca l'onataxanaxac co'ollaq ña nachattaigui da l'oquiaxac, no'on, huo'otaq qauem.

Romanos 2:6

Que'eca na'a'q qom ñimayi ÿauo'o ca nshiitenaguec naq'en ñi 'oonolec cam naigui ca i'ottac.

Romanos 14:12

Qaq ÿoqo'oyi ñi 'oonolec qome da shinaqta ishit da maichi nauattoola't qom dataÿot ñi Dios.

Efesios 6:8

Cha'ayi qami' mashi qauaÿajñi da so qadataxala' ishiiten qome ñi 'oonolec cam ÿaÿamaqchiguiñi l'onataxanaxac, nai'ctaxa ca nlatac, huo'otaq cam sa nlatac.

Judas 1:14

Nataq'en so Henoc som huetoigui da siete nqochin na llalaqpi so Adán, somayi i'axata'a namayipi co'ollaq i'aqtaxanaxan ñi Dios, 'eeta': “Aÿim sauaateguet ñi qadataxala' nnaictague' som chalcata mil nam lalamaxatpi,

Apocalipsis 20:12

Nachi nam leuaxaicpi 'amaqtaqaicpi qataq nam saq 'amaqtaq nachattañi, datato'ot ñi Dios. Huaña, nachi qaÿauachigui aso nedepi qataq asom lÿa nede mayi nanedaxalate nam qanca'alaxateecpi. Nachi na leuaxaicpi qanmit ñi 'oonolec na i'otpi mayi qoÿittalec asa'aso nedepi, da yaqto' qaishiiten.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Mateo 25:31

Qaq qom ivita da ñi'iguelaq na shiÿaxaua llalec da nta'a, nactaigui 'enauac na lamaxashic piguem l'ecpi, nachi nso'oongui aca nso'onaxaqui mayi ÿi'oxodaq da nta'a.

Lucas 21:27

Huaña qome, nachi qaila'a na shiÿaxaua llalec nactaigui ca l'oc ÿataqta qaica ca 'en'am da l'añaxac qataq da lli'oxoyic.

Marcos 14:62

Nachi so Jesús 'enapeco': –Aja', nachaÿim. Qaq qami' qome qauloiÿa'a ne'ena shiÿaxaua llalec da nso'oota'ague da aloic ñi Dios mayi 'añaxaic, qataq qom ñi'iguelaq, nactaigui na l'oc mayi hueto'ot na piguem.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Mateo 24:30

Huaña, nachi qaila'a na piguem ca l'anaxat na shiÿaxaua llalec. Nachi 'enauac qome na ÿotta'a't shiÿaxauapi noÿiitagui, qom qaila'aguet na shiÿaxaua llalec da nactaigui na l'oc, ÿataqta lta'adaic da l'añaxac qataq da lli'oxoyic.

Apocalipsis 1:7

Qaq ¡ña qauloÿa, na Cristo nactaigui na l'oc! Qaq 'enauac qome da qaila'aguet, qaq ivida'a qome nam ique'emaqchit ishit da ila'a namayi. Qaq 'enauac qome na ÿotta'a't shiÿaxauapi mayi huetalec ana 'alhua ÿataqta noÿiitagui qome qaila'aguet. Aja', nachi 'eetec.

Hechos 1:11

Qaq soomayi 'ena'po': –Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

1 Pedro 1:17

Cha'ayi qami' da qauÿaxañiitega ñi Dios da ÿataqta qadta'ai, ñim sa ishit da lca'atagui na shiÿaxauapi da nmit ñi 'oonolec cam lasouaxashit, nachi ÿataqta qayi'iÿai qone' ñimayi 'enauaque naua na'axa'te nagui da ña qoviitalec ana 'alhua.

Lucas 22:69

Qalaxayi nagui na shiÿaxaua llalec sogote da nso'oota'ague da aloic ñi Dios mayi qaica ca ÿaqalanapec.

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

Mateo 13:49

Qaq 'eda da 'eetec qom ivita ca loga't ana 'alhua, da anac nam namaxashic piguem l'ecpi, da yaqto' nqateu'a na qauemaicpi, da nqateeguesop nam no'on da lataxac.

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

1 Ts 4:16

Cha'ayi 'eeta': som qadataxala' Jesús qom huonoteeguesop na piguem, da nactaigui da 'ico' lamaxasoxonaxac ca nta'a, qataq nactaigui da lÿaxanaxac ca lataxala' na chigaqshiguem Dios lamaxashicpi, qataq da l-lamaxa ana nashiide qom qaÿashiidaxaalecna naq'en ñi Dios. Qanachi na ileutañi' da i'amaqten so Cristo, nca'aleec qanqoÿin.

Mateo 13:41

Na shiÿaxaua llalec namaq qome na lamaxashicpi piguem l'ecpi da nqateeguesop da l'onataxanaxac 'enauac nam ÿasouaxateguet ca lasouaxashit ca lÿa, qataq nam i'ottac na qauempi.

1 Corintios 8:8

'Eesa da ca nallic sa ishit da sachigoxotaqagui da qomi' ÿaÿamaxadeete' ñi Dios. Cha'ayi ca nallic da sachiguenaq, qaq sa ishit da qomi' nquigaxatta'agueta da no'on qadataxac; huo'otaq da sa ishit da sachiguenaq, qaq sa ishit da qomi' nquigaxatta'agueta da qauem qadataxac.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Juan 21:22

Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Juan 21:23

Nachi jec de'eda n'aqtaxanaxac som nqaÿañicpi da se'eso apaxaguenaxaua, somayi sa ishit da ileu. Qalaxayi so Jesús sa ishit da 'eetega somayi da sa ishit da ileu. Cha'ayi de'eda 'enapec 'eeta': “Da aÿim ñishitaique namayi da nachi 'eetai' qome da nca'altauec, chochi ivitta'a qom aÿim ñi'iguelaq, qaq ¡'am sa ishit qome da 'atapegueu'a namayi!”

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.

Colosenses 3:25

Qalaxayi cam i'ottac ca sa ÿaÿamaxañi, qalaq qaishiitenguet cam naigui cam qauem mayi i'ottac. Cha'ayi ñi Dios sa ishit da lca'atagui na shiÿaxauapi.

Santiago 5:7

Qaq ÿoqo'oyi qami' ÿaqaÿa't, ÿataqta qauauo'oi da qanhualaxaunaxaqui, chochi ivitta'a qanqashiñi ca lvidaxac so qadataxala' Jesús. Ña qaumichiñiÿo' ca do'onataxaatac na 'alhua ÿataqta ÿauo'o da nhualaxaunaxac da iuatta'aguet ca l'auaxanec auot. Ime, nachi qaltaq jec da iuatta'a ca pa'ateec auot. Huaña, qanachi ÿaconguet da lyaquiaxac da naquitta'a l'onataxanaxac.

1 Juan 2:28

Qaq ÿoqo'oyi qami' ÿalqolqa, nachi 'eetai' qome da qan'ayiitau'a so Cristo, yaqto' ÿataqta huo'o qome da qadpe'e qom ivita da nachaxan somayi, qaq sa ishit da huo'o ca qad'aloxo qom ivita da ñi'iguelaq.