Mateo 16:17 - Nuevo Testamento Toba Sur

¹⁷ Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Nuevo Testamento Toba Sombrero Negro

¹⁷ Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

La'aqtaqa Ñim Lo'onatac 'Enauacna 2013

¹⁷ Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

Mateo 16:17 Referans Kwoze

Juan 6:45

Naua nanettrañi l'aqtaqa som l'aqtaxanaxanecpi ñi Dios, naamayi 'eeta': “Ñi Dios ÿapaxaguen qome 'enauac na shiÿaxauapi.” Qaq ÿoqo'oyi 'enauac nam n'axaÿaxana ñi ita'a qataq lapaxaguenatac ñimayi, nachi namayipi aÿim nau'a.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

1 Corintios 15:50

Qami' ÿaqaÿa't, da sauotaique da qami' sa'axatema 'eeta': de'eda yi'oqchigui qad'oquiaxac sa ishit da inoxoneu'a ca l'onataxanaxac ñi Dios mayi ñaq natai'. Cha'ayi ca ishit da nlaguiñi, sa ishit da taÿapegueu'a cam qaica ca loga't.

Efesios 3:5

De'eda lataxac mayi saq cha'a sa ishit co'ollaxa da huo'o ca qaÿaÿajnaxanaxanec som hua'a'u vi'iyi. Qalaxayi nagui ñi Dios ÿachigoxotchigui so n'Espíritu da ÿaÿajnaxanaxanec nam iÿotaugapi mayi lamaxashicpi so Jesús qataq na l'aqtaxanaxanecpi.

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Efesios 2:8

Cha'ayi nachida da lqouagaxanaqtaic ñi Dios da huo'o mshi qami' nca'alaxatreec, cha'ayi huo'o da qadpi'iÿaxaqui ñimayi. Qaq damayi sa ishit da qami' chigoqchiguilo, cha'ayi damayi maichi lachitaqtaxanaxat ñi Dios.

Juan 1:42

Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.