Mateo 16:12 - Nuevo Testamento Toba Sur

¹² Huaña, nachi soomayi ÿaÿate'n da so Jesús sa ishit da 'eetega da qaivita'a ana yi'oqchigui ÿashiidaxachigui ana pan, chaqdata da qaivita'alo naua lapaxaguenataxanaxaco nam fariseopi qataq nam saduceopi.

Nuevo Testamento Toba Sombrero Negro

¹² Chane'eja male yayate'n queda'me Jesús ja naqaega 'yaĝatema ta'le t'oida'aguet ga'me nalequetenaĝanaĝat 'me en yajediye nale jaga'me pan, dite da'me yelo'teguet joga'me lapaĝaguenataĝanaĝa'j joga'me fariseopi nataq'aen ga'me saduceopi.

La'aqtaqa Ñim Lo'onatac 'Enauacna 2013

¹² Huaña, nache soua lapaxaguenataqa So Jesús ỹaỹate'n da Somaye saishet da 'eetega da qaivita'a ana yo'oqchigui ỹasheeraxachigui ca ndaqnec, nachaqrata da qaivita'alo naua lapaxaguenataxanaxaco maye qauema nam fariseopi qataq nam saduceopi.

Mateo 16:12 Referans Kwoze

Mateo 5:20

Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

Hechos 23:8

Cha'ayi nam saduceopi, namayipi 'eetega da sa ishit da qaltaq nca'aleec na leuaxaicpi, qataq sa ishit da huo'o ca chigaqshiguem lamaxashic ñi Dios, qataq qaica nam saq cha'a nqui'ipi; qaq nam fariseopi, qalaxayi i'amaqten da huo'o 'enauac ne'enapi.

Mateo 3:7

Qalaxayi so Juan co'ollaq ila'a da ÿataqta qalota na chigaqaigui na fariseopi qataq na chigaqaigui na saduceopi da anac da huotaique da qanachilaxan, nachi somayi 'enapega, 'eeta': –¡Qami' n'adaxanaq llalaqpi! ¿Négue't ca qami' icoyigue'n, da yaqto' qananeltaxañiiguet cam qaica ca 'en'am da lchiquiaxac nhuaxanaguecna mayi sa qaÿapeque?

Mateo 16:11

Qataq ÿoqta da sa ishit peta'a da qauaÿajñiiguet da aÿim sa ishit da shiitega aca yi'oqchigui pan can shiitegalo qami' da maxatchaxa qome da qadvichiÿa'a ana ÿashiidaxachigui ana pan mayi huetaigui na fariseopi qataq na saduceopi.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?